Proverbios 14:19 - New Testament Psalms and Proverbs in Mixtec Magdalena Peñasco

¹⁹ Ñayii ka sa'a ja u'vi ma chi kenda kivi ja jin koo i ve'e ñayii ka sa'a ja va'a ja ndaa ma, te jin ka'an nda'vi jin ka'an kee i nuu ñayii yukan ja na jin chindee ña'a i.

Proverbios 14:19 ပူးပေါင်းရင်းမြစ်များ

Salmos 49:14

Te sukan ka kuu ndikachi ma ja iyo ñayii skaka ña'a nuu jin koo ti ja jin kûu ti ma, sukan kuan koo i ja jin skenaa i maa i ma, vaa maa ja u'vi ma tátnuni nuu i ma. Te ndaka ñayii ka sa'a ja va'a ja ndaa ma chi xtnee ne'e ma‑ni, te jin kundee i nuu ñayii ka sa'a ja u'vi ma. Sani te ñayii yukan, te jin skenaa i tnu'u ndee tnu'u ndatnu i ma ji'in ja vivii ka ndaa i ma, te nuu jin koo i ni‑kani ni‑jika ma ko kuu andeya ma kuechi ja u'vi ni ka yo sa'a i ma.

Proverbios 11:29

Ñayii ñatuu ndí ini ja jin koo mani i ji'in ñayii ve'e i ma chi ja ndetu ña'a kúu ja ndoo maa ndoo in‑nka i‑ni, te ñayii ñatuu kándija ja ka ndaka'an so'o ñayii ma nuu i naxe ko sa'a ko kuu i sukan‑va'a koo va'a i ma, chi ja ndetu ña'a kúu ja ñayii kunukuechi‑nka‑ni ko kuu i nuu ñayii ndichi ma, vaa ñatuu ni jani va'a ini maa i ma.

Proverbios 14:18

vaa ñayii ñatuu ni'i ini‑ka naxe ko sa'a ko kuu i ja va'a ma te ñatuu ndí ini i ma, chi ja ndetu ña'a kúu ja u'vi ma, kovaa ñayii ndichi ma te ndí ini i naxe koo va'a i nuu Su'si ma chi ja ndetu ña'a kúu ja jakun‑tnuni ini i naxe ko sa'a ko kuu i ja va'a ma.

Hechos 16:39

Te ni ki koo de, te ni ka kene'e de tee ma vekaa ma, te vivii ka jiña'a de nuu tee ma ja na jin ke koo de ñuu yukan.

Apocalipsis 3:9

Ka iyo ñayii ka ndatna'a veñu'u nuu ka ndachiñu'u i tachi ma ja ka ka'an i ja ñayii judío ka kuu i ma, kovaa masu inundija i, su'va ka xnda'vi ña'a i. Te sa'a ri ja ki koo i, te jin kunukoo jiti i nuu ja'a ro a, te jin ndakunitnuni i ja ro'o chi kútoo ña'a ri.