Proverbios 14:16 - New Testament Psalms and Proverbs in Mixtec Magdalena Peñasco

¹⁶ Ñayii ndichi ma chi xndoo i ja u'vi ma te ñatuu nde sa'a‑ka i, vaa yu'u i Su'si ma ja ndakan ya kuenda nuu i ma, kovaa ñayii so'o xeen kaa i ma chi masu ndí ini kuiti i nawa sa'a i ma, te ndito ndito‑ni na'a ja vixi xeen kaa i kúu ma.

Proverbios 14:16 ပူးပေါင်းရင်းမြစ်များ

Salmos 119:120

Yikikuñu sa ya chi ni'i ni'i‑nka i ja yu'u xen‑xeen ña'a i maa ni, vi Su'si, vaa maa ni kúu iya ndakan kuenda nuu sa.

Salmos 34:14

Kakayata ni nuu ja u'vi ma, te nduku ni ja sa'a ni ja va'a ma. Nduku ni ja koo mani ni ji'in ndaka ñayii ma, te ndimaa sukan ko sa'a ni.

Proverbios 1:32

Chukan kúu ja ñayii ndee xeen ini i ma, te ñatuu kúni i kuan‑ta'vi i tnu'u ndichi ká'an Su'si ma te sa'a i sukan kúu ini maa i ma chi kundee maa ja u'vi ni yo sa'a i ma xnaa ña'a i te kûu i.

Proverbios 14:15

Ñayii kánee janitnuni i ma chi kándija i ndaka nawa ka jiña'a i nuu i ma, kovaa ñayii jâ ni teku ini ma chi jakin i cuidado nú ja va'a kúu ja ka ka'an ñayii ma xi ña'a.

Proverbios 14:17

Ñayii yachi‑ni ndákiti ini i ma chi ni masu kunitnuni maa i te sa'a i ja u'vi ma, te ñayii sukan kúu i ma chi masu na in kúnimani nuu i ma,

Proverbios 16:17

Ñayii sa'a ja va'a ja ndaa ma chi ûni ndí ini i ja kakayata i nuu ja u'vi ma, vaa ñayii jito va'a maa i ja ñatuu na ja u'vi‑ka sa'a i ma chi kaku i te ma skenaa i maa i.

Proverbios 16:6

Ñayii ûni kútoo ndija Su'si ma te sa'a i ja va'a ja ndaa ma chi ñatuu na kuechi kondiso i nuu Su'si ma. Ñayii yu'u Su'si ma ja iya ndákan kuenda kúu ya ma chi xndoo i ichi u'vi ma.

Proverbios 22:3

Ñayii ndichi ma chi nú jini i ja iyo yika i ma chi su'va jikayata i, kovaa ñayii ñatuu jáku'ni ini ma chi yituu yine'e i te onde ni'i maa i ja u'vi sa'a ja ndo'o neni i ma.

Proverbios 28:14

Naka vii naka va'a kúu ñayii ndimaa jito va'a i maa i te ñatuu sa'a i ja u'vi ma vaa yu'u i Su'si ma, kovaa ñayii ndee xeen ini ma chi ja u'vi ma‑ni ndetu ña'a.

Proverbios 29:9

Nú in ñayii ndichi ma, te jakituu tna'a i ji'in in ñayii ndee ini ma, chi masu nawa kundee kuiti i, vaa ñayii ndee ini ma chi kuu ndakiti ini i xi jakundee i ñayii ndichi ma‑ni.

Proverbios 3:7

Máko kani ini ro ja maa ro kúu ñayii ndichi‑ka, su'va koyu'u Su'si iya ndákan kuenda ma, te kakayata nuu ja u'vi ma.

Proverbios 7:22

te ni masu ni jini maa i ja ni xnda'vi ña'a ña ma, te ni ndikin i ña sukan kúu in xndiki kua'an nuu kûu ti ma, xi sukan kúu ñayii ndee xeen ini ma te kua'an i vekaa ma ja na ndo'o neni i ma,

Juan 9:40

Jaku tee fariseo ma ja ka iyo de ji'in ya ma, te ni ka jiniso'o de, te ka jikan‑tnu'u de: ―‍¿Nú sukan, saña tna, suni inukuaa sa? ―‍ka kuu de ka jiña'a de.

1 Tesalonicenses 5:22

Te jin xtandiyo ni ndaka ja u'vi ma.