Proverbios 14:14 - New Testament Psalms and Proverbs in Mixtec Magdalena Peñasco

¹⁴ Ñayii so'o xeen kaa ma chi ndaka ja u'vi sa'a kuu maa i ma chi ndani'i ndi'i ndani'i tu'u maa i, kovaa ñayii sa'a ja va'a ja vii ma chi ndimaa ja va'a ndani'i i te koo sii ini i.

Proverbios 14:14 ပူးပေါင်းရင်းမြစ်များ

Salmos 109:17

Vaa ni kutoo‑ka i ja u'vi ma, te ja u'vi ma ni kenda siki i. Ñatuu ni kuni i ja vii ja va'a ma, te ñatuu na ja vii ja va'a ni kenda nuu iyo i ma.

Proverbios 12:14

Vaa maa maa o ndani'i ndatna'a nawa ká'an o ma xi nawa sa'a nawa kúu o ma ndeva'a‑ni nú ja va'a xi ja u'vi kúu.

Proverbios 12:21

Ñayii sa'a ja va'a ja ndaa ma chi ni‑in ja u'vi ndo'o i, kovaa ñayii sa'a ja u'vi ma chi nukoxtna'a nukoxtnii ja u'vi sa'a i ma ndani'i i.

Proverbios 14:10

Maa maa o jini naxe ndo'o ini anua o ma ora kúxii xeen ini o ma, te suni sukan kúu ora iyo sii ini xeen o ma, vaa masu na in kuu jaku'ni ini sukan kúu ini anua in‑ka ñayii ma.

Proverbios 14:15

Ñayii kánee janitnuni i ma chi kándija i ndaka nawa ka jiña'a i nuu i ma, kovaa ñayii jâ ni teku ini ma chi jakin i cuidado nú ja va'a kúu ja ka ka'an ñayii ma xi ña'a.

Proverbios 18:20

Ndeva'a‑ni na tnu'u ká'an maa ñayii ma te sukan ndani'i i, nú ká'an i tnu'u va'a te ndani'i i ja vii ja va'a, te nú ká'an i ja u'vi te ndani'i i ja u'vi.

Proverbios 9:12

Chukan kúu ja nuna ko kuu ro ñayii ndichi ma chi ja va'a maa ro ko kuu, kovaa nuna ko kuu maa ro ñayii ndee ini te jakundee ro ñayii ndáka'an‑so'o nuu ro ma chi ja u'vi sa'a ro maa ro te ndachunaa maa ro ja sukan sa'a sukan kúu ro ma.

Juan 4:14

kovaa ñayii jin ko'o ndute kua'a sa ma, masu jin ko yichi‑ka i, vaa onde ini anua ñayii jin kuan‑ta'vi ndute kua'a sa ma ko kuu sukan kúu nuu tóo ndute ja masu nde ndi'i de ma, te jin koteku i ni‑kani ni‑jika ―‍kúu ya jiña'a ya.

2 Corintios 1:12

Te ka kutachi xeen sa, vaa maa Su'si ma kúu iya chíndee ña'a ja in jayiñu'u kúu ja sukan ka sa'a sa, te onde maa Su'si ma na'a ja ka ka'an ndaa ka ka'an ndija sa ka iyo sa ñuu ñayivi a, te ñukuun‑ka ka kuu sa ji'in ni, te cha'a chi masu ja sukan jani ini ñayii ñuu ñayivi a kúu chi ja ni skuta'vi ña'a maa Su'si ma kúu ja ka sa'a sa sa'a.

Gálatas 6:4

Chukan kúu ja ndi‑in ndi‑in o na ndasa'a kuenda nawa sa'a o ma, te nú iyo in ja va'a ni sa'a o ma, te kútachi o nuu Su'si ma, te máko kuvixi o ja maa o ni sa'a ja ni sa'a in‑ka ñayii ma.

Gálatas 6:8

Vaa nú na in na sa'a ja játna ini yikikuñu i ma chi ndani'i i ja ndo'o neni yikikuñu i ma. Kovaa ñayii sa'a sukan játna ini Xtumani Ndios ma chi ja ndani'i i ma kúu ja koo i ni‑kani ni‑jika nuu Su'si ma.

Hebreos 3:12

Chukan kúu ja ndijin ja ni ka nduu o sa'ya Su'si o a, jin ko koto va'a ni maa ni, te ni a in ni ko ku'un ini ja ko sa'a ni ja u'vi ma te masu kandija‑ka ni Su'si o iya teku ma te ndakakayata ni nuu ya ma chi masu va'a‑ni.