Proverbios 14:11 - New Testament Psalms and Proverbs in Mixtec Magdalena Peñasco

¹¹ Ve'e ke'e ñayii sa'a ja u'vi ma chi kendoo nda'vi kendoo kee, kovaa ve'e ke'e ñayii ka sa'a ja va'a ja ndaa ma chi vivii jin ko kuu i.

Proverbios 14:11 ပူးပေါင်းရင်းမြစ်များ

Salmos 128:3

Te ñasi'i ni ma, ko kuu ña sukan kúu tnu uva ma ja vivii kúun nde'ya tnu ma. Sukan ko kuu ña ve'e ni ma. Te sukan kúu tnu olivo ma, sukan jin ko kuu sa'ya ni ma, te jin ndakonduu i nuu ka nukoo ni ja ka jaa ni xita ma.

Salmos 37:10

Vaa masu kua'a‑nka‑ni, te ñatuu‑ka na ñayii ka sa'a ja u'vi ma jin koo. Te jin kuni ni ja nuu ni ka iyo i ma másu na ñayii yukan‑ka ka iyo.

Proverbios 11:28

Te ñayii kúkanu ini nuu ja ní'i tna'a i ma chi ndo'o i sukan kúu nda'a yutnu ma ja nú ni yichi ma chi ii‑ii‑ni jinkava i ma, kovaa ñayii sa'a ja va'a ja ndaa ma chi sukan kúu yutnu vivii ve ndukuii tnu ma ja ve nana nda'a tnu ma, sukan kúu i.

Proverbios 12:7

Vaa Su'si ma chi sa'a ya ja ñayii ka sa'a ja u'vi ma chi jin naa i ve'e ke'e i ma, kovaa ñayii ka sa'a ja va'a ja ndaa ma chi ni‑kani ni‑jika jin koteku i ji'in sa'ya tata i ma.

Proverbios 15:25

Su'si Iya Tátnuni ma chi xnaa ya ve'e ñayii jani ini ja maa i kúu‑ka ma, kovaa sa'a ya ja ña'a ni ji'i yii ma chi koo va'a ndaka ja neva'a ña ve'e ña ma.

Proverbios 21:12

Su'si iya sa'a ndaa sa'a ndija ma chi nde'ya nde'ya‑ni ya ve'e ñayii ka sa'a ja u'vi ma, te kua'a ya tnu'u te jin ndunda'vi jin ndukee maa i ja kuechi ja sukan ka sa'a maa i ja u'vi ma.

Proverbios 21:20

Tee ñu'u kaji ñu'u va'a ini ma chi ve'e de ma chi ñatuu nawa ja'ni ña'a i te vivii ka kuu de, kovaa tee ñatuu ñu'u kaji ini ma chi ndi'i ja neva'a de ma ndáxiko de te xnaa de kua'an de.

Proverbios 3:33

Vaa Su'si ma chi kua'a ya tnu'u, te kenda koo maa ja u'vi ma ve'e ke'e maa ñayii sa'a ja u'vi ma. Kovaa nuu ka iyo ñayii ka sa'a ja va'a ma chi tetniñu Su'si ma ja vii ja va'a ma.