Proverbios 13:9 - New Testament Psalms and Proverbs in Mixtec Magdalena Peñasco

⁹ Ñayii ka sa'a ja va'a ja ndaa ma chi sukan kúu in ñu'u tnúu jajaa ma, sukan ka kuu i, kovaa ñayii ka sa'a ja u'vi ma chi sukan ni ka nda'va ñu'u ma, sukan‑nka‑ni ka kuu i.

Proverbios 13:9 ပူးပေါင်းရင်းမြစ်များ

Salmos 112:4

Te ko kuu i ñayii kuee ini, ñayii nda'vi ini, te ko sa'a i ja ndaa ma. Te kuenda tnu'u ja in ñu'u xtnuu nuu nee ma ko kuu i nuu ñayii ka sa'a ja va'a ja ndaa ma.

Salmos 97:11

Te xtnuu ya ñu'u maa ya ma nuu ka iyo ñayii ka sa'a ja va'a ja ndaa ma, te sa'a ya ja ka iyo sii ini ñayii ka iyo ndaa nuu ya ma.

Proverbios 13:10

Ñayii jani ini ja maa i kúu‑ka ma chi yika‑ni ja ndúku i kúu ja kanaa i ji'in in‑ka ñayii ma, kovaa ñayii jan‑ta'vi ja ka ndaka'an so'o i nuu i ma chi in ñayii ndichi kúu i.

Proverbios 13:8

Ñayii ka kuxiku ma chi ka iyo‑ka ñayii ka xtna'a ña'a ja jin sa'a u'vi ña'a i, kovaa chíndee ña'a xu'un i ma te ka kaku i. Kovaa ñayii ka kunda'vi ma chi masu na in xtna'a ña'a.

Proverbios 20:20

Ñayii ká'an u'vi ja kuu yuva i si'i i ma chi masu na tnu'u kanu ini ja koo va'a i, vaa koo maa i nuu nee ma‑ni.

Proverbios 24:20

vaa ñayii sa'a ja u'vi ma chi masu kee va'a i, vaa sukan‑ni ndá'va ñu'u ma, sukan‑ni nda'va i.

Proverbios 4:18

Kovaa ñayii ka jika ichi va'a te ka sa'a i ja ndaa ma chi jin ko kuu i sukan kúu ja ve ndii ma, vaa xinañu'u kukuijin ma, sani te ve ndii ve ndii‑ka ma onde kenda ja ndii vava'a‑ka ma.

Mateo 22:13

Sani te jiña'a rey ma nuu tee ka jinukuechi ma: “Jin ku'ni ni nda'a de ja'a de, te jin koo ni jin xsia'a ni de ke'e ma nuu nee ma, vaa yukan kúu nuu jin ndanda'yu ñayii ñatuu ni ka iyo tu'va ma, te jin ndakandi'i jin ndakandi'i i nu'u i ma ja jin ndo'o jin neni i”, kúu de jiña'a de.

Mateo 25:8

Suchi ka ku‑uun ka kusu'va‑ni ini i ma, sa'a ka jiña'a i nuu suchi ka ñu'u vii ka ñu'u va'a ini ja ka sa'a i ma: “Jin taa vala aceite ro a, vaa ve jin nda'va kandili ri a”, ka kuu i ka jiña'a i.