Proverbios 13:4 - New Testament Psalms and Proverbs in Mixtec Magdalena Peñasco

⁴ Ñayii kuxi ma chi ndíyo ini i kua'a ja koneva'a i kovaa masu nawa ni'i i, kovaa ñayii ndí ini ja satniñu i ma chi ve ni'i ve tna'a‑ka i.

Proverbios 13:4 ပူးပေါင်းရင်းမြစ်များ

Salmos 92:14

Te visi ni ka kuu nija'nu i ma, kovaa jin sa'a i ja vii ja va'a ma, te ndimaa jin koo tnu'u ndee tnu'u ndatnu i, te sukan, te jin kuni ñayii ma ja ka iyo ndee ka iyo ndatnu i.

Proverbios 10:4

Ñayii kuxi te ñatuu ndí ini i ja satniñu i ma chi ko kunda'vi ko kukee i, kovaa ñayii ñu'u ini ma te satniñu i ma chi ko ni'i ko tna'a i.

Proverbios 11:25

Vaa ñayii sii ini chíndee i in‑ka ñayii ma chi ndimaa ko ni'i ko tna'a i, te ñayii ndimaa chíndee i in‑ka ñayii ma chi koo tna ñayii ndachindee ña'a te ñatuu nawa ka'ni ña'a i ja jin ko kuu i.

Proverbios 12:11

Ñayii satniñu itu i ma chi ndimaa koo ja kaa ja ko'o i, kovaa ñayii kua'an vee‑ni kúu i ma chi ñatuu jáku'ni ini i nawa sa'a i ma.

Proverbios 12:24

Ñayii ñu'u ini te satniñu i ma chi ko ni'i ko tna'a i te koo ñayii jin satniñu nuu i ma, kovaa ñayii kuxi ma chi masu ni'i nde i te in‑ka ñayii xi‑nuu ko satniñu i‑ni.

Proverbios 12:27

Ñayii kuxi ma chi onde kiti ni ja'ni i ma masu no'o i ji'in ti ve'e i ma ja jin kaa i kuñu ti ma, kovaa ñayii ñu'u ini ma chi jini i ja ja va'a xeen kúu ndaka ja ni'i tna'a i ma.

Proverbios 13:3

Ñayii ndása'a kuenda te ñatuu ká'an yachi i ma chi ja jito va'a i maa i kúu, kovaa ñayii ñatuu nde ndása'a i kuenda ma te ká'an yachi i ma chi maa i‑ni sa'a ja jákun‑nee i nuu tnundo'o ma.

Proverbios 13:5

Ñayii sa'a ja va'a ja ndaa ma chi masu játna ini kuiti i ja xnda'vi tna'a o ma, kovaa ñayii sa'a ja u'vi ma, ja kan‑yu'u ja kan‑nuu ni'i i, vaa masu ka jatna ini ñayii ma ja sa'a ja kúu i ma.

Proverbios 20:4

Ñayii kuxi ma chi ñatuu ndáta'vi ndásaka i itu i ma tiempu vijin ma, te kivi kenda ja skee ñayii ma itu i ma, te visi na ki'in maa i jin koto i itu i ma, kovaa masu nawa ndani'i i.

Proverbios 21:25

Ñayii kuxi ma, ndíyo xeen ini i nawa ni'i i ja kaa i, kovaa ñatuu kúu ini i ja satniñu i visi na kûu maa i ja kuxi i ma.

Proverbios 21:5

Ñayii jakin tna'a vivii nawa jani ini i ja sa'a i ma chi kee va'a ja jani ini i ja sa'a i ma, kovaa ñayii ñatuu ndása'a kuenda i ma chi jani yachi‑ni ini i te sa'a i nde a kúni i ma, kovaa ja sukan kúu i ma chi ndunda'vi ndukee i.

Proverbios 24:30

Ni ya'a sa itu ñayii kuxi ma ñayii ñatuu ndása'a kuenda ma,

Proverbios 24:31

te ni jini sa sukan ni ja'nu yi'i, ni ja'nu tnu‑iñu ni‑ka'nu ini itu i ma, te ni ndi'i yuu kúu koo yu'u itu i ma ni ndatnana.

Proverbios 26:13

Sa'a ká'an ñayii kuxi ma: “Iyo in ndika'a ichi ma te kua'an vee ti kúu ti, va'a‑ka ma ki'in o jin satniñu o, nú ña'a te ka'ni ña'a ti”, kúu i ká'an i.

Proverbios 28:25

Ñayii kueñu ini ma chi sa'a i ja jin kanaa ñayii ma, kovaa ñayii kúkanu ini Su'si ma chi sa'a maa Su'si Iya Tátnuni ma ja ko ni'i ko tna'a i.

Proverbios 6:6

Ro'o ja kuu ro ñayii kuxi xeen ma, konde'ya sukan sa'a tioko ma, te ndasa'a kuenda sukan sa'a sukan kúu ti ma, te ko kuu ro in ñayii ndichi.

Proverbios 8:34

Ja va'a kúu ñayii niniso'o ndaka ja ká'an ri a, ja ûni ndee ndikin i ja na ni'i i tnu'u ndichi a.

Juan 6:27

Má jin satniñu ni siki ja ndeyu ndí'i ma, su'va jin satniñu ni siki ja ndeyu masu ndi'i ma, tna'a ja sa'a ja jin koteku ni ni‑kani ni‑jika ma, tna'a ja taa iya ni kenda ñayivi ñuu ñayivi a, iya ni kaxtnu'u Yuva o Su'si ma ja jin kandija ni ya ma ―‍kúu ya jiña'a ya.

Hebreos 6:11

Ja ka kúni sa kúu ja sa'a jin ko kuu ni, te jin ko ndi ini ndi‑in ndi‑in ni ja jin ko sa'a ni ja vii ja va'a onde jinu ma, sukan‑va'a jin ni'i ni ja ka ndetu o ja jin ni'i o ma,