Proverbios 13:3 - New Testament Psalms and Proverbs in Mixtec Magdalena Peñasco

³ Ñayii ndása'a kuenda te ñatuu ká'an yachi i ma chi ja jito va'a i maa i kúu, kovaa ñayii ñatuu nde ndása'a i kuenda ma te ká'an yachi i ma chi maa i‑ni sa'a ja jákun‑nee i nuu tnundo'o ma.

Proverbios 13:3 ပူးပေါင်းရင်းမြစ်များ

Salmos 141:3

Su'si Iya Tátnuni, jikan‑ta'vi sa nuu ni ja kasi ndee kasi ndoso ni yu'u sa ya, te máko ndakune sa yu'u sa a te ko ka'an sa in ja masu kuatniñu.

Salmos 34:13

Te ko koto va'a ni yaa ni a, ja máko ka'an ni ja u'vi ma, te ko koto va'a ni ñií yu'u ni a, ja máko xnda'vi ni ñayii ma.

Salmos 39:1

Ni jani ini sa: Katanuu o kondikin o ichi Su'si o a, sukan‑va'a ma ka'an o ni‑in ja u'vi ma. Te kasiyu'u vava'a o, sukan‑va'a nú iyo in ñayii ñatuu sa'a sukan játna ini Su'si ma nuu iyo o a, te ñatuu nawa kondekuechi yu'u o a.

Proverbios 10:14

Ñayii ndichi ma chi ndása'a i kuenda te káji kaji‑ni i tnu'u kuatniñu ma ká'an i, kovaa ñayii ndee ini ma chi masu káji maa i tnu'u ká'an i.

Proverbios 10:19

Ñayii ñatuu ndása'a kuenda te ndeva'a‑ni tnu'u ká'an i ma chi iyo yika i ja ka'an i in tnu'u ja masu kuatniñu te kuiso kuechi i, kovaa ñayii ndichi ma chi ndása'a i kuenda na tnu'u ká'an i ma.

Proverbios 10:8

Ñayii iyo tnu'u ndichi ini anua i ma chi jan‑ta'vi i te kándija i tnu'u ni tatnuni Su'si ma, kovaa ñayii ndee ini ma te ndimaa ndákone'e xiko i ma chi skenaa i maa i.

Proverbios 12:13

Ñayii sa'a ja u'vi ma chi maa ja xnda'vi i ñayii ma nukun‑tuu maa i te ndando'o ndaneni i, kovaa ñayii ká'an ndimaa ja va'a ja ndaa ma chi vivii yanduu yandoso i nuu ndaka tnundo'o kenda ma.

Proverbios 13:4

Ñayii kuxi ma chi ndíyo ini i kua'a ja koneva'a i kovaa masu nawa ni'i i, kovaa ñayii ndí ini ja satniñu i ma chi ve ni'i ve tna'a‑ka i.

Proverbios 14:3

Ñayii so'o xeen kaa ma chi ndimaa tnu'u ja savixi i maa i ká'an i, kovaa ñayii ndichi ma chi ndaka tnu'u ká'an i ma chi ja va'a kúu, te kaku i nuu ja u'vi ma.

Proverbios 18:21

Vaa nuna ka'an maa ñayii ja va'a ma te koteku kani i, kovaa nú ma ko koto va'a maa i tnu'u ká'an i ma chi maa tnu'u ká'an i ma sa'a ja kûu‑ni i.

Proverbios 18:7

Ja ká'an ñayii so'o xeen kaa ma chi nukun‑tuu maa i ndaka ja u'vi ká'an i ma, te ndando'o ndaneni maa i.

Proverbios 20:19

Ñayii tnu'u ma chi masu kuu kukanu ini o i chi ndi'i kuiti ndáxtuu i kua'an i ma, chukan kúu ja masu kuu ketna'a ini o ji'in ñayii masu kutu yu'u i ma.

Proverbios 21:23

Ñayii jito va'a i yu'u i ma yaa i ma ja ñatuu nde ká'an i tnu'u masu nde kuatniñu ma chi iyo sii ini i, vaa masu na nde kívi nduu kívi ni'ni i nuu tnundo'o ma.

Santiago 1:26

Vaa nú na in jani ini ja in ñayii ndikin xeen Su'si ma kúu i ne'un ndaka o a, te chítna'nu i yaa i ma ji'in ndaka tnu'u ká'an i ma. Nú ña'a, te xnda'vi i ini anua i ma, te visi ká'an i ja ndikin i Su'si ma, kovaa ja ká'an i ma masu kétna'a ji'in ja sa'a i ma.