Proverbios 13:25 - New Testament Psalms and Proverbs in Mixtec Magdalena Peñasco

²⁵ Ñayii sa'a ja va'a ja ndaa ma chi ko ni'i i ja kaa i onde ndutu va'a chii i ma, vaa maa Su'si ma kua'a, kovaa ñayii so'o xeen kaa ma chi ko ka'ni ña'a i ja kaa i ma te ko kokon ko yichi i.

Proverbios 13:25 ပူးပေါင်းရင်းမြစ်များ

Salmos 103:5

Te maa ya táa ndaka nawa kaa nawa ko'o o, te maa ya sa'a ja ndujaa o sukan kúu ya'a tioko ma.

Salmos 132:15

Te sa'a sa ja vii ja va'a ja jin kuu ñayii ñuu ya'a. Jin ni'i jin tna'a i ndaka nawa ka jiniñu'u i ma. Te ñayii nda'vi ma, koo ja jin kaa i.

Salmos 34:10

Vaa ndika'a kuechi ma chi kénda kivi ja ñatuu ka ni'i‑ka ti ja jin kaa ti, kovaa ñayii ka ndanduku Su'si ma chi ndaka ja vii ja va'a ma jin ni'i i, te ñatuu nawa ko ka'ni ña'a i.

Salmos 37:16

Ja va'a‑ka kúu visi vala‑ni ja neva'a ñayii sa'a ja va'a ma sana ja kua'a xeen‑ka ja ka neva'a ñayii ka kuxiku ma te ka sa'a i ja u'vi ma.

Salmos 37:3

Va'a‑ka ja na kukanu ini ni Iya Tátnuni ma, te ko sa'a ni ja va'a ma, sukan‑va'a koo ni nuu ñu'ú taa Su'si ma. Te tnu'u ndaa tnu'u ndija ya ma, skaka ña'a i ichi va'a ma.

Proverbios 10:3

Vaa Su'si ma chi masu kua'a ya tnu'u ja ko kokon ko yichi ñayii sa'a ja va'a ja ndaa ma, kovaa ñayii ka sa'a nanimaa ja u'vi ma chi kua'a Su'si ma tnu'u, te jin ndando'o jin ndaneni maa i ja u'vi ka sa'a i ma.

Proverbios 13:18

Ñayii saxiko ja ka ndaka'an so'o ñayii ma nuu i ma chi ko kunda'vi ko kukee i te ndatna'a i ja kan‑nuu, kovaa ñayii jan‑ta'vi ja ka ndaka'an so'o i nuu i ma chi ndani'i i jayiñu'u.

Proverbios 24:34

chi kona'a o ja masu kua'a‑ni, te kenda tnu'u nda'vi tnu'u kee ma nuu o sukan kénda in tee ndiso xeen ja ka'ni ña'a de ma.

Proverbios 6:11

Vaa nú sukan‑ni kúu ro a chi yachi yachi‑ni kenda ja ko kunda'vi ko kukee ro te kundee i nuu ro.

Lucas 15:14

Kovaa nuu jâ ni ndi'i kuiti ni jatniñu i ma, te ni kenda in tnama xeen ñuu yukan, te ñatuu ni yo ni'i‑ka i ja kaa i.

2 Tesalonicenses 3:10

Suni nuu ni ka iyo sa ji'in ni ma, ni ka yo tatnuni sa sa'a, ja nú na in ñatuu kúni i ja satniñu i ma, suni máko kaa i xita.

1 Timoteo 4:8

Te kona'a ni ja ndaka ja sa'a ja kúu o sukan‑va'a koo‑ka tnu'u ndee tnu'u ndatnu yikikuñu o a chi vala‑ni chíndee ña'a i, vaa ja kuu yikikuñu o a‑ni kúu. Kovaa ja kútu'va o ja sa'a ja kuu o sukan játna ini Su'si o a chi ndaka tu'u chíndee ña'a i, vaa chíndee ña'a i ja koo va'a ini anua o a ji'in yikikuñu o a nuu Su'si ma, vaa jâ ni skuiso Su'si ma ja iyo ja jin ni'i o nani ka iyo o ñuu ñayivi ya, ji'in ja jin ni'i o kivi ndenda koo o nuu ya ma.

Hebreos 13:5

Máko jin ko ndiyo ini ni ja jin koneva'a xeen ni xu'un ma, su'va jin koo sii ini ni nawa ka neva'a ni a‑ni, vaa sa'a ká'an Su'si ma: “Masu xndoo nda'vi ña'a sa, ni masu ndunaa ña'a sa.”