Proverbios 13:21 - New Testament Psalms and Proverbs in Mixtec Magdalena Peñasco

²¹ Te ñayii ka sa'a ja u'vi ma chi ndimaa ja u'vi ma ndetu ña'a, kovaa ñayii sa'a ja va'a ja ndaa ma chi nanimaa ja va'a ma ndani'i i.

Proverbios 13:21 ပူးပေါင်းရင်းမြစ်များ

Salmos 140:11

Te ñayii ká'an tnu'u in‑ka ñayii ma, másu konukuiñi va'a i ñuu ñayivi ya, vaa ja u'vi ma chi ndanduku i ñayii sa'a ja u'vi ma, sukan‑va'a xnaa i ñayii yukan.

Salmos 32:10

Ñayii ñatuu ka kandija ja ká'an Iya Tátnuni ma chi kua'a xeen ja jin ndo'o jin neni i, kovaa ñayii ka kukanu ini Iya Tátnuni ma chi ka ndakonduu ña'a ja nda'vi ini ña'a ya ma.

Salmos 54:5

Vaa maa Su'si ma kúu iya ndakone'e ja u'vi ja jin ndatna'a maa ñayii ñatuu ka kunimani nuu sa ma. Su'si, ja maa tnu'u ndaa tnu'u ndija ká'an ni a, te xnaa ni i.

Proverbios 11:31

Ja ndaa ndija kúu ja ñayii ndimaa sa'a ja va'a ja ndaa ma chi ko ni'i ko tna'a i nani téku i iyo i ñuu ñayivi a, kovaa ñayii ndimaa ja u'vi sa'a i ma chi kua'a xeen ja u'vi ndani'i ndatna'a maa i.

Proverbios 13:13

Ñayii saxiko te ñatuu jatanuu i ja sa'a i ja ni kucargu i ja sa'a i ma chi ndo'o xeen i ja ñatuu ni kandija i ma te ndakani ini i, kovaa ñayii ndí ini te ni‑yu'u ni‑ini i jatanuu i sa'a i ja ni kucargu i ma chi koo va'a xeen i te koo sii ini xeen i ja ni kundee i ni sa'a i ma.

Proverbios 17:13

Ñayii ndasa'a ja u'vi ja kuu ñayii sa'a ña'a ja va'a ma, nanimaa ja u'vi koo ve'e i ma.

Proverbios 24:16

vaa visi uja jichi na kotuu i, kovaa ndone'e ña'a Su'si ma, kovaa ñayii ka sa'a ja u'vi ma chi jin kotuu i te jin skenaa i maa i.

Hechos 28:4

Te nuu ni ka jini ñayii ka iyo yukan ja ndakaa koo ma nda'a Pablo ma, te ka ka'an nuu tna'a i: ―‍Ja ndaa kúu ja tee ya'a chi tee ni ja'ni ndiyi kúu de. Visi ni kaku de nuu ndute ma, kovaa ja ni sa'a de ma chi ndikin ña'a i, te chukan kúu ja masu kua'a i tnu'u ja koteku‑ka de ―‍ka kuu i ka ka'an i.