Proverbios 13:20 - New Testament Psalms and Proverbs in Mixtec Magdalena Peñasco

²⁰ Ñayii ndikin tna'a ji'in ñayii ndichi ma chi ñayii ndichi ko kuu tna i, kovaa ñayii ndikin tna'a ji'in ñayii inuso'o xeen ka ndaa ma chi ko kuu tna i sukan te skenaa tna i maa i.

Proverbios 13:20 ပူးပေါင်းရင်းမြစ်များ

Salmos 119:63

Kétna'a ini sa ji'in ndaka ñayii ka sa'a sukan tátnuni ni ma, vaa ka yu'u i ja ndakan ni kuenda nuu i ma, nú ma jin ko sa'a i sukan kúni ni ma.

Proverbios 13:19

Ñayii ni kundee ja ni xndoo i ja u'vi ma te sa'a i ja va'a ma chi iyo sii ini xeen i, kovaa ñayii so'o xeen kaa ma chi ñatuu játna ini i ja xndoo i ja u'vi ma.

Proverbios 14:7

Máko jin tna'a ro ñayii so'o xeen kaa ma, vaa ndaka tnu'u ká'an i ma chi masu nawa chíndee ña'a i ja jaku'ni ini ro.

Proverbios 15:31

Ñayii niniso'o te sa'a i sukan ka ndaka'an‑so'o ñayii ma nuu i ma chi ko kuu i in ñayii ndichi.

Proverbios 22:24

Máko ketna'a ini ni ji'in ñayii yachi xeen ndákiti ini i ma,

Proverbios 22:25

nasa yukan te kutu'va ni sukan sa'a sukan kúu i ma, te sa'a i ja skenaa ni maa ni ja sukan sa'a ni ma.

Proverbios 7:27

Vaa ichi nuu jin kûu ñayii kúu ichi ve'e ña ma, te ichi nuu jin skenaa i maa i kúu.

Proverbios 9:6

Jin xndoo ni ja ka kuneé ka ku‑uun ni a te jin koteku ni te jin kondikin ni jin ko sa'a ni sukan ká'an tnu'u ndichi ma”, ka kuu i ka jiña'a i.

Hechos 2:42

Te ndaka i ûni ni‑yu'u ni‑ini i ni ka yo sa'a i ndaka ja ni ka yo kaxtnu'u tee ni tetniñu Jesús ma, te vivii ni ka yo ketna'a ini i, te ni ka yo chindee tna'a i nawa ka jiniñu'u in in i ma, te vivii ni ka yo ndututu i ja jin kaa i xita ma, te suni ni ka yo ta'vi i xita tila ma sukan ni tatnuni ya ja jin ko sa'a i ma te jin ndaka'án i sukan ni ndo'o ni neni ya ja jin kuu i ma, te ni ka yo jikan‑ta'vi, ni ka yo jikan‑ta'vi i nuu ya.

Hebreos 10:24

Jín nduku o naxe jin chindee tna'a o ja kuu jin kutoo tna'a o ma, te sukan, te jin sa'a‑ka o ja va'a ma.

Apocalipsis 18:4

Te ni jiniso'o sa in‑ka ja ká'an onde andivi ma: ―‍Nde koo ni ñuu jiña, sa'ya maa sa, sukan‑va'a ma jin sa'a‑ka ni ja u'vi sukan sa'a ña'a ma, sukan‑va'a ma jin ndo'o ni kue'e ndo'o ña ma.