Proverbios 13:2 - New Testament Psalms and Proverbs in Mixtec Magdalena Peñasco

² Ndi‑in ndi‑in o chi jin ndani'i jin ndatna'a maa o sukan ka ka'an o ma, kovaa ñayii ñatuu va'a ini te ke'en su'va i in‑ka ñayii ma chi ndimaa ja sa'a ndeva'a i in‑ka ñayii ma ñu'u ini i.

Proverbios 13:2 ပူးပေါင်းရင်းမြစ်များ

Salmos 140:11

Te ñayii ká'an tnu'u in‑ka ñayii ma, másu konukuiñi va'a i ñuu ñayivi ya, vaa ja u'vi ma chi ndanduku i ñayii sa'a ja u'vi ma, sukan‑va'a xnaa i ñayii yukan.

Salmos 75:8

Vaa Iya Tátnuni ma, jâ yinda'a tu'va ya ndaka ja u'vi jin ndo'o jin neni ndaka ñayii ñatuu ka kandija ja ká'an ya ma te ndimaa ja u'vi ka sa'a i ma. Te kivi kenda ja xndo'o xneni ya ndaka ñayii ka iyo ni‑ka'nu ñuu ñayivi a ja ñatuu ka sa'a i sukan játna ini ya ma, te jin ndo'o jin neni maa i ndaka sukan ni jani ini ya ma.

Proverbios 1:18

Kovaa ñayii ka sa'a ja u'vi ma chi masu ka ndasa'a maa i kuenda ja ka iyo yika ja jin kûu i ja sukan ka sa'a i ma, vaa kuenda tnu'u ja maa i jâ ni ka satu'va nuu jin kê koo i te jin skenaa i maa i ma.

Proverbios 1:31

te jin ndani'i jin ndatna'a maa ro ndaka ja u'vi ni ka yo sa'a, ni ka yo kuu ro ma. Ûni ni a in ma jin yanduu, onde jin ndando'o jin ndaneni ro ndaka.

Proverbios 10:11

Kovaa ñayii sa'a ja va'a ja ndaa ma chi sa'a i ja kúu sii ini xeen o te ndáni'i o tnu'u kanu ini, kovaa ñayii sa'a ja u'vi ma chi ndando'o ndatna'a xeen maa i ja u'vi sa'a i ma.

Proverbios 11:23

Ja iyo ja jin ni'i ñayii ka sa'a ja va'a ja ndaa ma kúu ja jin koo va'a i, te ja ndetu ña'a ja jin ni'i ñayii ka sa'a ja u'vi ma kúu ja ndakiti ini Su'si ma nuu i.

Proverbios 12:14

Vaa maa maa o ndani'i ndatna'a nawa ká'an o ma xi nawa sa'a nawa kúu o ma ndeva'a‑ni nú ja va'a xi ja u'vi kúu.

Proverbios 18:20

Ndeva'a‑ni na tnu'u ká'an maa ñayii ma te sukan ndani'i i, nú ká'an i tnu'u va'a te ndani'i i ja vii ja va'a, te nú ká'an i ja u'vi te ndani'i i ja u'vi.

Proverbios 18:21

Vaa nuna ka'an maa ñayii ja va'a ma te koteku kani i, kovaa nú ma ko koto va'a maa i tnu'u ká'an i ma chi maa tnu'u ká'an i ma sa'a ja kûu‑ni i.

Proverbios 4:17

Vaa kuenda tnu'u ja ndeyu i ma kúu ja ka sa'a ndeva'a i ñayii ma, xi xita i ma kúu ja ka sakui'na i ma.

Apocalipsis 16:6

Vaa kuechi ja ni ka jati i niñi ñayii ñatuu na ja u'vi ni ka yo sa'a i ma, ji'in niñi tee ni ka yo ndakaxtnu'u tnu'u ni yo wa'a ni ma, chukan kúu ja ni wa'a ni niñi a ja jin ndako'o i, vaa kuechi maa i ka kuu, te jin ndando'o jin ndaneni maa i ―‍kúu i ká'an i.