Proverbios 13:14 - New Testament Psalms and Proverbs in Mixtec Magdalena Peñasco

¹⁴ Ndaka tnu'u va'a káxtnu'u ñayii ndichi ma chi suu i chindee ña'a ja kaku o ja ma ki'in o ichi nuu skenaa o maa o ma, te koteku o.

Proverbios 13:14 ပူးပေါင်းရင်းမြစ်များ

Salmos 116:3

Vaa vala‑nka ja kûu sa nkuu, vaa ni kundee kue'e ma nuu sa, te vala‑nka ja kûu sa, te kúxii kúnda'vi ini sa nkuu.

Salmos 18:5

Ni ka jani ini i ja jin ka'ni ña'a i, te ni kenda sa nuu kûu sa ma nkuu.

Proverbios 10:11

Kovaa ñayii sa'a ja va'a ja ndaa ma chi sa'a i ja kúu sii ini xeen o te ndáni'i o tnu'u kanu ini, kovaa ñayii sa'a ja u'vi ma chi ndando'o ndatna'a xeen maa i ja u'vi sa'a i ma.

Proverbios 14:27

Sukan kúu nuu tóo kua'a ndute ma, sukan kúu ja koyu'u o Su'si ma te ma ko sa'a‑ka o ja u'vi ma, vaa sa'a ya ja koteku o, sukan‑va'a ma jin tu'va o nuu kûu o te skenaa o maa o ma.

Proverbios 15:24

Ichi ki'in o ja koteku o ni‑kani ni‑jika ma kuenda tnu'u ja ndichi xeen, vaa ndó'o o jaku; kovaa chindee ña'a i ja ma kêe o andeya ma te skenaa o maa o ma.

Proverbios 16:17

Ñayii sa'a ja va'a ja ndaa ma chi ûni ndí ini i ja kakayata i nuu ja u'vi ma, vaa ñayii jito va'a maa i ja ñatuu na ja u'vi‑ka sa'a i ma chi kaku i te ma skenaa i maa i.

Proverbios 16:22

Ñayii ndichi ma chi ja ndetu ña'a ja ni'i i kúu ja koteku kani i, kovaa ja ni'i maa ñayii so'o xeen kaa ma kúu ja ndando'o ndaneni i ja u'vi sa'a i ma.

Proverbios 16:6

Ñayii ûni kútoo ndija Su'si ma te sa'a i ja va'a ja ndaa ma chi ñatuu na kuechi kondiso i nuu Su'si ma. Ñayii yu'u Su'si ma ja iya ndákan kuenda kúu ya ma chi xndoo i ichi u'vi ma.

Proverbios 9:11

Vaa nuna kandija o te sa'a o sukan ká'an tnu'u ndichi Su'si ma chi sa'a i ja koteku kani‑ka o ñuu ñayivi a.