Proverbios 13:12 - New Testament Psalms and Proverbs in Mixtec Magdalena Peñasco

¹² In ja ndetu ñayii ma ja ni'i i ma te kuee kénda ma, te chukan chi sa'a i ja kúxii ini i, kovaa ora kénda ja ndetu o ma chi sukan kúu in yutnu téku ja kuikuii iyo tnu ma sukan kúsii ini o.

Proverbios 13:12 ပူးပေါင်းရင်းမြစ်များ

Salmos 143:7

Iya Tátnuni, ndakone'e kunu ni ja jikan‑ta'vi sa ya, vaa ve kuita sa. Máko chu'u ni ja ma chindee ña'a ni, vaa ma kundee sa, te nasa yukan, te kûu sa sukan ni ka ji'i ñayii ma te skenaa sa maa sa.

Salmos 17:15

Kovaa saña chi koo sii ini xen‑xeen sa kivi ndoto sa ma, ja onde nuu iyo ni a iyo sa ma, te nuu nuu o jin konde'ya tna'a o, vaa ni kundee sa nuu ndaka ja u'vi ma.

Salmos 69:3

Te ni kuita‑nka sa ja kána ña'a sa, te sukun sa ya chi ni kuu tikaña‑nka i, te nduchinuu sa ya chi ni ka kuita‑nka i, ja ndetu ña'a sa ja kii ni ki chindee ña'a ni, vi Su'si.

Proverbios 11:30

Ñayii sa'a ja va'a ja ndaa ma chi sa'a i ja jin koteku ñayii ma, vaa ñayii ndichi kúu i, te ja sa'a i ma sa'a ja jin kandija ñayii ma Su'si ma te jin ndani'i ta'vi i.

Proverbios 13:11

Ñayii xnda'vi in‑ka ñayii ma te kúxiku i ma chi masu kunitnuni i te ndi'i xu'un i ma, kovaa ñayii satniñu ji'in nda'a i te kúu tava'a i xu'un i ma chi ndi‑vala ndi‑vala te kukua'a‑ka.

Proverbios 13:13

Ñayii saxiko te ñatuu jatanuu i ja sa'a i ja ni kucargu i ja sa'a i ma chi ndo'o xeen i ja ñatuu ni kandija i ma te ndakani ini i, kovaa ñayii ndí ini te ni‑yu'u ni‑ini i jatanuu i sa'a i ja ni kucargu i ma chi koo va'a xeen i te koo sii ini xeen i ja ni kundee i ni sa'a i ma.

Proverbios 13:19

Ñayii ni kundee ja ni xndoo i ja u'vi ma te sa'a i ja va'a ma chi iyo sii ini xeen i, kovaa ñayii so'o xeen kaa ma chi ñatuu játna ini i ja xndoo i ja u'vi ma.

Proverbios 3:18

Tnu'u ndichi Su'si a chi sa'a i ja koteku ñayii tnii vava'a ma. Naka vii naka va'a kúu ñayii jan‑ta'vi ndaka sukan ká'an tnu'u Su'si ma te ñatuu xndoo i ma.

Juan 16:22

Suni sukan ka ndo'o tna ni vitna, kovaa kii sa ki ndi koto ña'a sa, te sani te jin ndusii ini ini anua ni a, te tnu'u sii ini yukan masu na in kuu xtandiyo.

Apocalipsis 2:7

’Nde ni iyo so'o, te koniniso'o va'a ni ja ká'an Xtumani Ndios ma nuu ñayii ka kandija Su'si ma ja ka ndatna'a i ndaka ñuu ma. Nú na in na kanda ja sa'a i ja va'a ma, te kua'a sa ja kaa i ja kuun yutnu sa'a ja koteku ñayii ma yutnu iyo sasava nuu vivii nani paraíso ma nuu iyo maa Su'si ma”, ―‍kúu ya ká'an ya nuu sa ma.

Apocalipsis 22:2

Te sasava ichi kanuu‑ka iyo ini ñuu yukan ma jika ndute ma. Te nduu nduu yu'u yute ma núkoo in yutnu kúun ja sa'a ja koteku o ma. Te uxi uu jichi nde'ya tnu ma kúun. Te in in jichi kúun ja in in yoo ma. Te nda'a tnu ma kúu ja jin nduva'a ñayii ka ku'u ndaka ñuu ma.