Proverbios 13:11 - New Testament Psalms and Proverbs in Mixtec Magdalena Peñasco

¹¹ Ñayii xnda'vi in‑ka ñayii ma te kúxiku i ma chi masu kunitnuni i te ndi'i xu'un i ma, kovaa ñayii satniñu ji'in nda'a i te kúu tava'a i xu'un i ma chi ndi‑vala ndi‑vala te kukua'a‑ka.

Proverbios 13:11 ပူးပေါင်းရင်းမြစ်များ

Salmos 128:2

Te ora satniñu ni ji'in nda'a ni ma, sana ní'i ni nawa jaa ni ma chi, ¡naka vava'a‑ka kuu ni, te va'a‑ni ko kuu ni!

Proverbios 10:2

Nú nanimaa ja u'vi ma sa'a ñayii ma chi masu nawa chíndee ña'a i, kovaa nú nanimaa ja va'a ja ndaa ma na ko sa'a ñayii ma chi kaku i te ma skenaa i maa i.

Proverbios 13:10

Ñayii jani ini ja maa i kúu‑ka ma chi yika‑ni ja ndúku i kúu ja kanaa i ji'in in‑ka ñayii ma, kovaa ñayii jan‑ta'vi ja ka ndaka'an so'o i nuu i ma chi in ñayii ndichi kúu i.

Proverbios 13:12

In ja ndetu ñayii ma ja ni'i i ma te kuee kénda ma, te chukan chi sa'a i ja kúxii ini i, kovaa ora kénda ja ndetu o ma chi sukan kúu in yutnu téku ja kuikuii iyo tnu ma sukan kúsii ini o.

Proverbios 20:21

Ñayii masu na tnundo'o te ní'i kua'a i ja koneva'a i ma chi ndaka maa ja neva'a i ma sa'a ja kenda kivi te ndanda'yu i.

Proverbios 21:6

Ñayii ndimaa xnda'vi in‑ka ñayii ma te ve kuxiku i ma chi masu na'a‑ni te ndi'i kuiti ja neva'a i ma naa, sani te skenaa i maa i.

Proverbios 28:20

Ñayii iyo va'a iyo ndaa nuu Su'si ma chi kuta'vi i kua'a ja va'a, kovaa ñayii ñu'u ini ja ni'i i kua'a xu'un te kuxiku i ma chi masu kaku maa i ja ndo'o neni i.

Proverbios 28:22

Ñayii kueñu ini ma chi yika‑ni ja ñu'u ini i kúu ja na kuxiku i, kovaa masu ndasa'a maa i kuenda ja ichi ko kunda'vi ko kukee i ma kua'an i.

Proverbios 28:8

Ñayii wanuu xu'un i ma te ndimaa ké'en ya'vi‑ka i sa'ya xu'un i ma chi ndaka ja ni'i i ma chi satu'va i ja nduu kuenda ñayii kúnda'vi ini ñayii nda'vi ma.