Proverbios 12:8 - New Testament Psalms and Proverbs in Mixtec Magdalena Peñasco

⁸ Ñayii ndichi ma chi naxe sa'a naxe kúu maa i ma, te sukan ka ka'an vii ka ka'an va'a ñayii ma ja kuu i ma, kovaa ñayii ñatuu va'a ini ma chi masu na in ká'an vii ká'an va'a ja kuu i chi su'va ka saxiko ña'a ñayii ma.

Proverbios 12:8 ပူးပေါင်းရင်းမြစ်များ

Salmos 132:18

Te sa'a sa ja ñayii ñatuu ka kunimani nuu de ma, jin ndandesi nuu i ma te masu jin ni'i ini‑ka i naxe jin sa'a i, kovaa maa de chi ûni vii xeen koo nuu koo de ma.” Sa'a ni ka'an ya nuu David ma.

Proverbios 1:26

“Chukan kúu ja ru'u ya chi jakundendee‑ni ña'a ri kivi jin ndani'i jin ndatna'a maa ro ja u'vi ka sa'a ro a. Te kivi kenda ja ñatuu ka ni'i ini‑ka ro naxe jin sa'a ro ma ja ka yu'u ro ma chi ru'u ya chi ndajakundendee‑ni ña'a ri.

Proverbios 12:7

Vaa Su'si ma chi sa'a ya ja ñayii ka sa'a ja u'vi ma chi jin naa i ve'e ke'e i ma, kovaa ñayii ka sa'a ja va'a ja ndaa ma chi ni‑kani ni‑jika jin koteku i ji'in sa'ya tata i ma.

Proverbios 12:9

Ja va'a‑ka kúu in ñayii visi ka ka'an ndeva'a i ja kuu i ma kovaa ka iyo ñayii ka chindee ña'a nawa jiniñu'u i ma, sana tee jani ini ja maa de kúu‑ka ma te ni ja kaa de ma masu nawa neva'a de.

Proverbios 29:27

Ñayii ka sa'a ja va'a ja ndaa ma chi masu ka jatna ini kuiti i sukan ka sa'a ka kuu ñayii ka sa'a ja u'vi ma, te ñayii ka sa'a ja u'vi ma chi ka saxiko i ñayii ka sa'a ja va'a ja ndaa ma.

Proverbios 3:35

Su'si ma chi jayiñu'u kua'a ya nuu ñayii ndichi ma, vaa sa'a i sukan kúni ya ma. Kovaa nuu ñayii ñatuu jaku'ni ini ma te sa'a so'o i nuu ya ma chi ja kan‑nuu ndakua'a ya i.

Proverbios 5:23

Te sukan kûu maa i, vaa ñatuu ni kandija i ja ni ka yo ndaka'an so'o ñayii ndichi ma, te skenaa i maa i ja sukan so'o ni kaa i ma.

Lucas 16:8

Te tee kúu jito'o de ma, ni ndakunitnuni de ja tee ñatuu ni jito va'a ve'e de ma, ni jini va'a de naxe ni sa'a de ji'in ja neva'a jito'o de ma. Ñayii ñuu ñayivi a, ka jini va'a‑ka i naxe jin kuatniñu i ja ka ni'i ka tna'a i ñuu ñayivi a, sukan‑va'a masu nawa jin skenaa kuiti i, kovaa ñayii ka iyo nuu tnuu ñu'u Su'si ma, ñatuu. Vaa ñatuu ka jini i naxe jin kuatniñu i ja ka ni'i ka tna'a i ma ja wa'a Su'si ma.

Hechos 12:23

Sani te in ángel Iya Tátnuni ma, ni xtnakue'e i de, sani te ni ka ta'vi ña'a tindaku te ni ji'i de, vaa kuechi ja ñatuu ni ndakua'a de jayiñu'u nuu Su'si ndija ma.

1 Corintios 4:5

Chukan kúu ja máko jin ka'an yachi‑ni ni nawa kúu. Va'a‑ka ja na jin kondetu o ja kenda kivi ndenda Iya Tátnuni ma, vaa maa ya ndakaxtnu'u tna'a ja ka iyo yu'u nuu nee ma, te maa ya ndakaxtnu'u nawa ni jani ini anua o ma ja sa'a o ma, te sani te ndi‑in ndi‑in o ja ni ka sa'a o ja va'a ma jin ndani'i jayiñu'u nuu Su'si ma.

2 Corintios 10:18

Vaa masu nde jiniñu'u ja maa ñayii ma, te ndachiñu'u i maa i, su'va va'a‑ka ja maa Su'si ma, te ndachiñu'u ña'a ya.