Proverbios 12:7 - New Testament Psalms and Proverbs in Mixtec Magdalena Peñasco

⁷ Vaa Su'si ma chi sa'a ya ja ñayii ka sa'a ja u'vi ma chi jin naa i ve'e ke'e i ma, kovaa ñayii ka sa'a ja va'a ja ndaa ma chi ni‑kani ni‑jika jin koteku i ji'in sa'ya tata i ma.

Proverbios 12:7 ပူးပေါင်းရင်းမြစ်များ

Salmos 37:10

Vaa masu kua'a‑nka‑ni, te ñatuu‑ka na ñayii ka sa'a ja u'vi ma jin koo. Te jin kuni ni ja nuu ni ka iyo i ma másu na ñayii yukan‑ka ka iyo.

Proverbios 10:25

Ñayii sa'a ja u'vi ma chi sukan‑ni yá'a tikachiyaa xeen ma sukan‑ni kúu i, vaa nunuu‑ni iyo i te náa i, kovaa ñayii sa'a ja va'a ja ndaa ma chi ni‑kani ni‑jika koteku i.

Proverbios 11:21

Vaa ñayii ka sa'a ja u'vi ma chi masu yanduu ja jin ndando'o jin ndaneni maa i ja ka sa'a ka kuu i ma, kovaa ñayii ka sa'a ja va'a ja ndaa ma chi vivii jin kaku i nuu tnundo'o ma ji'in sa'ya tata i ma.

Proverbios 12:8

Ñayii ndichi ma chi naxe sa'a naxe kúu maa i ma, te sukan ka ka'an vii ka ka'an va'a ñayii ma ja kuu i ma, kovaa ñayii ñatuu va'a ini ma chi masu na in ká'an vii ká'an va'a ja kuu i chi su'va ka saxiko ña'a ñayii ma.

Proverbios 14:1

Ña'a ndichi ma chi sa'a ña ja vivii jin ketna'a ini ndaka ñayii ve'e ña ma, kovaa ña'a so'o xeen kaa ma te kúnee kú‑uun ña ma chi maa ña sa'a ja ñatuu ka ketna'a ini ñayii ve'e ña ma.

Proverbios 14:11

Ve'e ke'e ñayii sa'a ja u'vi ma chi kendoo nda'vi kendoo kee, kovaa ve'e ke'e ñayii ka sa'a ja va'a ja ndaa ma chi vivii jin ko kuu i.

Proverbios 15:25

Su'si Iya Tátnuni ma chi xnaa ya ve'e ñayii jani ini ja maa i kúu‑ka ma, kovaa sa'a ya ja ña'a ni ji'i yii ma chi koo va'a ndaka ja neva'a ña ve'e ña ma.