Proverbios 12:5 - New Testament Psalms and Proverbs in Mixtec Magdalena Peñasco

⁵ Ñayii jika ndaa nuu Su'si ma chi ndimaa ja ndaa ja ndija kúu ja jani ini i te ká'an i ma, kovaa ñayii sa'a ja u'vi ma chi ndimaa tnu'u xnda'vi tna'a kúu ja ká'an i ma.

Proverbios 12:5 ပူးပေါင်းရင်းမြစ်များ

Salmos 119:15

Te ndakani ndaka'vi ini sa, te ndasa'a sa kuenda naxe ká'an tnu'u tátnuni ni ma, te katanuu sa ja kaka sa ichi maa ni a, vi Su'si.

Salmos 139:23

Te kototnuni ña'a ni, vi Su'si, te kuni ni ja ñu'u ini anua sa a, te kototnuni ni janitnuni sa a, te kuni ni ja jani ini sa a.

Proverbios 11:23

Ja iyo ja jin ni'i ñayii ka sa'a ja va'a ja ndaa ma kúu ja jin koo va'a i, te ja ndetu ña'a ja jin ni'i ñayii ka sa'a ja u'vi ma kúu ja ndakiti ini Su'si ma nuu i.

Proverbios 12:4

Te ña'a ñu'u kaji ñu'u va'a ini ma chi ja sa'a ja kúu ña ma te ní'i yii ña ma jayiñu'u, kovaa ña'a ñatuu ñu'u kaji ñu'u va'a ini ma chi sukan kúu kue'e kívi onde yiki ñayii ma sukan kúu ña nuu yii ña ma.

Proverbios 12:6

Onde ndaka tnu'u ká'an i ma, ûni kuenda tnu'u ja ja'ni i ñayii ma kúu, kovaa ñayii ka iyo ndaa nuu Su'si ma chi ndimaa tnu'u vii tnu'u va'a ka ka'an i, te ja sukan ka kuu i ma chi chindee ña'a i ja jin kaku i nuu ja u'vi ma.

Proverbios 14:8

Ñayii ndichi ma chi maa tnu'u ndichi ma sa'a ja ni'i ini i naxe ko sa'a ko kuu i ma, kovaa ñayii so'o xeen kaa ma chi jani ini i ja va'a‑ni sa'a i, kovaa xnda'vi i maa i.

Proverbios 24:9

Nanimaa ja u'vi ñu'u ini ñayii ndee ini ma ja sa'a i te jiso kuechi maa i, te ndaka ñayii ma, masu ka kunimani i nuu ñayii sa'a sukan ma.

Mateo 2:16

Sani te nuu ni jinitnuni Herodes ma ja ni ka xnda'vi ña'a tee inundichi ma, te ni ndakiti xeen ini de, te ni tatnuni de ja jin ka'ni soldado ma ndaka suchi yika ni ka kâku ma te onde suchi uu kuiya ma, ja ka iyo i ñuu Belén ma ji'in ndaka yu'u ñuu ma.

Mateo 26:4

Te ka ndatnu'u tna'a de naxe jin xnda'vi de Jesús ma te jin tnii de ya te jin ka'ni de ya.

1 Corintios 4:5

Chukan kúu ja máko jin ka'an yachi‑ni ni nawa kúu. Va'a‑ka ja na jin kondetu o ja kenda kivi ndenda Iya Tátnuni ma, vaa maa ya ndakaxtnu'u tna'a ja ka iyo yu'u nuu nee ma, te maa ya ndakaxtnu'u nawa ni jani ini anua o ma ja sa'a o ma, te sani te ndi‑in ndi‑in o ja ni ka sa'a o ja va'a ma jin ndani'i jayiñu'u nuu Su'si ma.

2 Corintios 4:2

Te chukan kúu ja saña chi ñatuu ka jatna ini sa ja jin sa'a sa in ja u'vi ja sa'a ja jin ndakukan‑nuu sa, ni a koo jin nduku sa naxe jin sa'a sa ja jin xnda'vi sa ñayii ma ji'in tnu'u Su'si a. Su'va ja ka kuni sa kúu ja na jin kuni ñayii ma tnu'u ndaa Su'si ma, te jin ndakunitnuni ndaka i ja vii ja va'a kúni Su'si ma ja jin ko sa'a i ma.