Proverbios 12:4 - New Testament Psalms and Proverbs in Mixtec Magdalena Peñasco

⁴ Te ña'a ñu'u kaji ñu'u va'a ini ma chi ja sa'a ja kúu ña ma te ní'i yii ña ma jayiñu'u, kovaa ña'a ñatuu ñu'u kaji ñu'u va'a ini ma chi sukan kúu kue'e kívi onde yiki ñayii ma sukan kúu ña nuu yii ña ma.

Proverbios 12:4 ပူးပေါင်းရင်းမြစ်များ

Proverbios 11:22

Te masu nde jiniñu'u ja vivii kaa ña'a ma, nú kunee ku‑uun ña te ñatuu ndása'a ña kuenda naxe ko kuu ña ma, chi kuenda tnu'u ja in oro ni ka chinee i kutu chikini ma te sa'a ndeva'a ti ma, sukan‑ni sa'a ña maa ña.

Proverbios 12:5

Ñayii jika ndaa nuu Su'si ma chi ndimaa ja ndaa ja ndija kúu ja jani ini i te ká'an i ma, kovaa ñayii sa'a ja u'vi ma chi ndimaa tnu'u xnda'vi tna'a kúu ja ká'an i ma.

Proverbios 14:1

Ña'a ndichi ma chi sa'a ña ja vivii jin ketna'a ini ndaka ñayii ve'e ña ma, kovaa ña'a so'o xeen kaa ma te kúnee kú‑uun ña ma chi maa ña sa'a ja ñatuu ka ketna'a ini ñayii ve'e ña ma.

Proverbios 14:30

Ñayii kuee ini ma chi koo sii ini yikikuñu i ma, te koteku vii koteku va'a i, kovaa ñayii kueñu ini ma chi onde yiki i ma xtnakue'e maa i, ja sukan kúu i ma.

Proverbios 18:22

Suchi jaa ní'i ñasi'i ma chi in ja vii ja va'a ni kuta'vi i, vaa ni kunda'vi ini Su'si ma i, te ni skuta'vi ya i ñasi'i i ma.

Proverbios 21:19

Ja va'a‑ka kúu ja koo nda'vi koo kee o in nuu ñatuu kuiti nawa iyo ma sana ja koo o ji'in in ña'a kúneé kú‑uun ma te yachi xeen ndákiti ini ña ma.

Proverbios 21:9

Ja va'a‑ka kúu visi in ve'e nda'vi ve'e kee kúu te koo maa in‑ni o, sana ja koo o in ve'e ka'nu ve'e va'a ji'in in ña'a ndimaa kúni ña ja kanaa ña.

Proverbios 30:23

Ja ku‑uni ma kúu ja ña'a ñatuu na in kúnimani nuu ña ma, te tnánda'a ña ma. Te ja ku‑kuun ma kúu ja in suchi si'i jinukuechi ma te kúndee i núkuiñi i nuu tniñu ña'a xi‑nuu satniñu i ma.

Proverbios 31:29

“Kua'a xeen ña'a ka sa'a ja va'a, kovaa ro'o chi sa'a va'a xeen‑ka ro sana ndaka‑ka ña ma”, kúu de jiña'a de.

1 Corintios 11:11

Kovaa yo'o ja ka kandija o Iya Tátnuni a, ka jini o ja masu kuu koo tee ma nú masu ja onde ña'a ma, te ni masu kuu koo ña'a ma nú masu ja onde tee ma.

1 Corintios 11:7

Kovaa tee ma, másu ko kasi de xini de ma, vaa Su'si ma chi ni sa'a ya tee ma sukan kaa maa ya ma, te jayiñu'u Su'si ma jini o nuna sa'a de sa'a. Kovaa ña'a ma, jayiñu'u tee ma jini o nuna sa'a ña sa'a, vaa jandetu ña nuu yii ña ma ji'in nuu Su'si ma.