Proverbios 12:28 - New Testament Psalms and Proverbs in Mixtec Magdalena Peñasco

²⁸ Ja ko sa'a o ja va'a ja ndaa ma chi kua'an o ichi nuu koteku o ni‑kani ni‑jika, te masu kûu o te skenaa o maa o.

Proverbios 12:28 ပူးပေါင်းရင်းမြစ်များ

Proverbios 10:16

Ñayii ndichi ma te sa'a i ja va'a ja ndaa ma chi koteku i ni‑kani ni‑jika, kovaa ñayii sa'a ja u'vi ma chi jiso kuechi i nuu Su'si o ma.

Proverbios 10:2

Nú nanimaa ja u'vi ma sa'a ñayii ma chi masu nawa chíndee ña'a i, kovaa nú nanimaa ja va'a ja ndaa ma na ko sa'a ñayii ma chi kaku i te ma skenaa i maa i.

Proverbios 11:19

Vaa ja sa'a o ja va'a ja ndaa ma chi sa'a i ja koteku o ni‑kani ni‑jika, kovaa ja kondikin o ja sa'a o ja u'vi ma chi ichi nuu skenaa o maa o ma kúu.

Proverbios 8:35

Vaa ñayii kuan‑ta'vi tnu'u ndichi ká'an ri a chi sa'a i ja koteku i te ni'i i ja skuta'vi ña'a Iya Tátnuni ma.

Proverbios 9:11

Vaa nuna kandija o te sa'a o sukan ká'an tnu'u ndichi Su'si ma chi sa'a i ja koteku kani‑ka o ñuu ñayivi a.

Romanos 5:21

Visi ni kundee ja u'vi ma ja jin kûu ñayii ma, kovaa maa Su'si ma, ni kundee ya, vaa ni kunda'vi ini ña'a ya ma, te ja maa Jesucristo iya tátnuni nuu o a, te ni skuta'vi ña'a ya ja vii ja va'a, sukan‑va'a jin ko kuu o ñayii jin ko sa'a ja va'a ja ndaa te jin koteku o ni‑kani ni‑jika.

1 Juan 2:29

Vaa jâ ka jini ni ja Jesucristo ma, iya sa'a ja ndaa kúu ya, te chukan kúu ja ndaka ñayii ka sa'a ja ndaa ma, sa'ya Su'si ma ka kuu i.

1 Juan 3:7

Sa'ya sa, ñatuu ni‑in ñayii ko xnda'vi ña'a: nú na in sa'a ja ndaa ma, in ñayii va'a in ñayii ndaa kúu i, vaa sa'a i sukan sa'a ndaa maa ya ma.

3 Juan 1:11

Gayo tee kútoo maa sa, máko ndane'e ni sukan ka sa'a ñayii ka sa'a ja u'vi ma, su'va sa'a ni ja va'a ma. Ñayii sa'a ja va'a ma, sa'ya Su'si ma kúu i, kovaa ñayii sa'a ja u'vi ma chi ñatuu jini i Su'si ma.