Proverbios 12:25 - New Testament Psalms and Proverbs in Mixtec Magdalena Peñasco

²⁵ Tnu'u ndí ini xeen ma chi sa'a i ja kúxii ini ñayii ma te ñatuu‑ka na tnu'u ndee tnu'u ndatnu i iyo, kovaa nuna kenda in ñayii ká'an vii ká'an va'a ma chi sani te sa'a i ja ndúsii ini ñayii ma.

Proverbios 12:25 ပူးပေါင်းရင်းမြစ်များ

Salmos 38:6

Te yindeyi nuu sa nde kua'an nde vee sa ma, vaa ndása'a sa kuenda, te kúkan‑nuu sa, te kúxii ini sa nduu ñuu.

Salmos 42:11

Kovaa ni ndachu'un xeen ini sa, te ka'án sa: ¿Te naku ko kuxii ini o, te ko ndakani ini o? Su'va kúkanu ini o Su'si ma, te ndáchiñu'u o ya, vaa maa ya kúu Su'si o, vaa maa ya sa'a ja kaku o nuu ja u'vi ma.

Proverbios 12:18

Ka iyo ñayii ma chi tnu'u ka ka'an i ma‑ni, te ka sa'a i ja tna‑u'vi ini o vi'i‑ka sana ni xtnakue'e ña'a i, kovaa ñayii inundichi ma chi vivii ka ka'an i te ka ndataa i tnu'u kanu ini kuenda tnu'u ja in jatatna ni ji'i o te ni nduva'a o.

Proverbios 12:26

Ñayii sa'a ja va'a ja ndaa ma chi kuu skaka i in‑ka ñayii ma ichi va'a ma, kovaa ñayii sa'a ja u'vi ma chi kuan koo i ichi jin skenaa i maa i ma.

Proverbios 14:10

Maa maa o jini naxe ndo'o ini anua o ma ora kúxii xeen ini o ma, te suni sukan kúu ora iyo sii ini xeen o ma, vaa masu na in kuu jaku'ni ini sukan kúu ini anua in‑ka ñayii ma.

Proverbios 15:13

Ñayii iyo sii ini anua i ma chi ndijin ndaa na'a nuu i ma ja iyo sii ini i ma, kovaa ñayii kúxii ini ma chi ñatuu na tnu'u sii ini iyo ini anua i ma te ndijin‑ni na'a i.

Proverbios 15:15

Ñayii wa'a tnu'u ja kúxii ini i nawa ndo'o neni i ma chi ndaka kivi ma kúu i sukan, kovaa ñayii iyo sii ini ma chi ndaka kivi chi kuenda tnu'u ja viko iyo i jini i, vaa iyo sii ini i ma.

Proverbios 15:23

Vivii kúu ora kénda ñayii ká'an naxe sa'a o ora ñatuu ní'i ini o naxe ko kuu ma, kovaa vii xeen‑ka kúu ja maa ora jiniñu'u o ma te kénda kunu tnu'u jiniñu'u o ma.

Proverbios 15:30

Ñayii nde'ya vii nde'ya va'a ña'a ma chi sa'a i ja kúsii ini ini anua o ma, te ora ka ndakani i tnu'u vii tnu'u va'a ma chi ndátaa i tnu'u ndee tnu'u ndatnu.

Proverbios 16:24

vaa kuenda tnu'u ja sukan asi jaa nduxi ñuñu ma, sukan ka kuu tnu'u vii tnu'u mani ká'an ñayii ma, vaa sa'a i ja ndusii ini yikikuñu o.

Proverbios 17:22

Ja koo sii ini ini anua o ma chi kuenda tnu'u ja in jatatna kúu i nuu yikikuñu o ma, kovaa nú nanimaa tnu'u xii ini koo ini anua o a chi onde yiki o ma xsichi i.

Proverbios 18:14

Ñayii ndimaa iyo sii ini i ma te ñatuu nde ndaa ndivi ini i visi ku'u i ma chi ñatuu xtaya i, kovaa ñayii ja'nde ini ja ma kuu‑ka i ma chi masu na‑in kuu chindee ña'a ja ndani'i i tnu'u kanu ini.

Proverbios 25:11

Ja ka'an o in tnu'u ndaa tnu'u kuatniñu ma maa ora jiniñu'u ñayii ma, chi sukan kúu in nde'ya manzana ñutuu nanimaa oro te yoxtnee i in nuu ko'o nanimaa plata kúu.

Proverbios 27:9

Ndute jáxiko asi ma chi sa'a i ja ndúsii ini anua o a, te ja ká'an‑so'o ñayii kétna'a ini ji'in o ma chi sa'a i ja ndúsii ini tna o.