Proverbios 12:24 - New Testament Psalms and Proverbs in Mixtec Magdalena Peñasco

²⁴ Ñayii ñu'u ini te satniñu i ma chi ko ni'i ko tna'a i te koo ñayii jin satniñu nuu i ma, kovaa ñayii kuxi ma chi masu ni'i nde i te in‑ka ñayii xi‑nuu ko satniñu i‑ni.

Proverbios 12:24 ပူးပေါင်းရင်းမြစ်များ

Proverbios 10:4

Ñayii kuxi te ñatuu ndí ini i ja satniñu i ma chi ko kunda'vi ko kukee i, kovaa ñayii ñu'u ini ma te satniñu i ma chi ko ni'i ko tna'a i.

Proverbios 12:27

Ñayii kuxi ma chi onde kiti ni ja'ni i ma masu no'o i ji'in ti ve'e i ma ja jin kaa i kuñu ti ma, kovaa ñayii ñu'u ini ma chi jini i ja ja va'a xeen kúu ndaka ja ni'i tna'a i ma.

Proverbios 13:4

Ñayii kuxi ma chi ndíyo ini i kua'a ja koneva'a i kovaa masu nawa ni'i i, kovaa ñayii ndí ini ja satniñu i ma chi ve ni'i ve tna'a‑ka i.

Proverbios 17:2

In ñayii ndichi ma, te visi suchi jinukuechi kúu i ma chi kuu tatnuni‑ka i sana sa'ya jito'o i ma ja so'o xeen kaa i nuu de ma, te ora jin ni'i sa'ya jito'o i ma ta'vi i ma chi suni ni'i tna suchi jinukuechi ma ja kuu ta'vi i.

Proverbios 19:15

Ñayii kuxi ma chi játna ini i ja kusu xeen i, te ja sukan kúu i ma chi ko kokon ko yichi i.

Proverbios 22:13

Ñayii kuxi ma chi ja ma satniñu i ma chi ndúku yu'u i naxe kundee i ja ma satniñu i ma‑ni, te ká'an i: “Vaa ichi ma iyo in ndika'a, te kaa ña'a ti nuna ki'in o jin satniñu o.”

Proverbios 22:29

Ñayii satniñu va'a ma chi kuu i kunukuechi i nuu rey ma, te masu nuu ndeva'a‑ni ñayii kunukuechi i.