Proverbios 12:18 - New Testament Psalms and Proverbs in Mixtec Magdalena Peñasco

¹⁸ Ka iyo ñayii ma chi tnu'u ka ka'an i ma‑ni, te ka sa'a i ja tna‑u'vi ini o vi'i‑ka sana ni xtnakue'e ña'a i, kovaa ñayii inundichi ma chi vivii ka ka'an i te ka ndataa i tnu'u kanu ini kuenda tnu'u ja in jatatna ni ji'i o te ni nduva'a o.

Proverbios 12:18 ပူးပေါင်းရင်းမြစ်များ

Salmos 52:2

Te ndijin chi nanimaa tnu'u ndeva'a ká'an ni, te nanimaa tnu'u xnda'vi tna'a ká'an ni. Te kuenda tnu'u ja in yuchi xen‑xeen ka kuu tnu'u ká'an ni a.

Salmos 57:4

Vaa kuenda tnu'u ja ne'un ndika'a ma iyo sa, vaa ni ka ndakonduu ña'a ñayii a. Te kuenda tnu'u ja ñu'u i'ni ka kuu tnu'u ka ka'an i ma, te kuenda tnu'u ja lanza xi flecha ka kuu nu'u i ma, te yaa i ma kuenda tnu'u ja yuchi nduva nduva nuu i ma kúu.

Salmos 57:5

Kovaa maa ni, vi Su'si, ni‑ka'nu andivi a na koo jayiñu'u ni, te ni‑ka'nu ñuu ñayivi a na jin ndachiñu'u ña'a i, vi Su'si Iya Tátnuni.

Salmos 59:7

Ûni ka ke koo ti‑iñu yu'u i ma. Sukan kúu yuchi kúu espada ma, sukan ka kuu tnu'u ndeva'a ka ka'an i ma, te ka ka'an i: “Másu kuniso'o Su'si ma ja ka ka'an o ya”, ka kuu i ka ka'an i.

Salmos 64:3

Vaa sukan kúu yuchi kúu espada ma ja xen‑xeen i ma, sukan ka kuu yaa i ma, te sukan ka ke koo flecha ma kuan koo i ma, sukan ka ke koo tnu'u ndeva'a ka ka'an i ma.

Proverbios 12:17

Ñayii ká'an ndaa ma chi ndáka'an ndaa i naxe iyo ma, kovaa ñayii tnu'u ma chi masu ndáka'an ndaa i naxe iyo ma su'va ndúku i naxe xnda'vi i ñayii ma.

Proverbios 13:17

Ñayii kúcargu in ja ki'in i jin kaxtnu'u i ma te nú ma ndakani ndaa i ma chi sa'a i ja kua'a tnundo'o jin tna'a ñayii ma, kovaa ñayii ndákani ndaa sukan iyo ma chi sa'a i ja ka iyo sii ini ñayii ma.

Proverbios 15:4

Ñayii ká'an vii ká'an va'a ma chi wa'a i tnu'u kanu ini in‑ka ñayii ma, te ndusii ini ñayii yukan, kovaa ñayii ká'an tnu'u ndeva'a ma nuu in‑ka ñayii ma chi sa'a i ja kúxii ini ñayii yukan.

Proverbios 15:7

Ñayii ndichi ma chi ndimaa tnu'u ndichi ka ka'an i te ka sa'a i ja kua'a‑ka ñayii ka jaku'ni ini, kovaa ñayii so'o xeen ka ndaa ma chi ndimaa ja u'vi ka ñu'u ini i ja jin sa'a i ma.

Proverbios 16:24

vaa kuenda tnu'u ja sukan asi jaa nduxi ñuñu ma, sukan ka kuu tnu'u vii tnu'u mani ká'an ñayii ma, vaa sa'a i ja ndusii ini yikikuñu o.

Proverbios 25:18

Kuenda kúu yuchi ma xi in martillu xi in flecha, sukan kúu ñayii ká'an tnu'u in nuu te'nde tniñu ma.

Proverbios 4:22

Vaa ñayii ni ndani'i tnu'u ndichi a chi kuenda tnu'u ja jatatna kúu nuu yikikuñu i ma, te sa'a tnu'u ndichi ma ja koteku i ma.

Apocalipsis 1:16

Te nda'a kua'a ya ma yinda'a ya uja tiuxini, te yu'u ya ma kée in yuchi kuiñi kúu espada, te nuu i ma ji'in yata i ma inuu xen‑xeen, te nuu ya ma kánda'a sukan kánda'a kandii ma ora ndíi vava'a ma.

Apocalipsis 22:2

Te sasava ichi kanuu‑ka iyo ini ñuu yukan ma jika ndute ma. Te nduu nduu yu'u yute ma núkoo in yutnu kúun ja sa'a ja koteku o ma. Te uxi uu jichi nde'ya tnu ma kúun. Te in in jichi kúun ja in in yoo ma. Te nda'a tnu ma kúu ja jin nduva'a ñayii ka ku'u ndaka ñuu ma.