Proverbios 12:16 - New Testament Psalms and Proverbs in Mixtec Magdalena Peñasco

¹⁶ Ñayii so'o ma chi yachi‑ni káxtnu'u i ja ndákiti ini i, kovaa ñayii ndichi ma chi masu sánuu i nawa ka ka'an ndeva'a ñayii ma nuu i ma.

Proverbios 12:16 ပူးပေါင်းရင်းမြစ်များ

Proverbios 10:12

Ñayii chú'un ini nawa ni sa'a ña'a in‑ka ñayii ma te suu‑ni suu‑ni ndákune'e i ma chi ñatuu kúu koo mani i, kovaa ñayii kútoo tna'a ndija ma chi kánda i nekanu ini i nawa ni sa'a ña'a maa in‑ka ñayii ma.

Proverbios 12:17

Ñayii ká'an ndaa ma chi ndáka'an ndaa i naxe iyo ma, kovaa ñayii tnu'u ma chi masu ndáka'an ndaa i naxe iyo ma su'va ndúku i naxe xnda'vi i ñayii ma.

Proverbios 14:33

Ñayii ndasa'a kuenda naxe sa'a naxe kúu i ma chi nanimaa tnu'u ndichi ñu'u ini anua i ma ja sukan sa'a i ma, kovaa ñayii inuso'o xeen ka ndaa ma chi masu ka jini maa i nawa kúu tnu'u ndichi ma.

Proverbios 16:22

Ñayii ndichi ma chi ja ndetu ña'a ja ni'i i kúu ja koteku kani i, kovaa ja ni'i maa ñayii so'o xeen kaa ma kúu ja ndando'o ndaneni i ja u'vi sa'a i ma.

Proverbios 17:9

Ñayii sákanu ini ñayii ni sa'a ndeva'a ña'a ma chi ja ndúku i kúu ja koo mani i ji'in ñayii yukan, vaa kútoo i ñayii ma, kovaa ñayii nuu‑ni nuu‑ni ndákune'e i ja ni sa'a ña'a in‑ka ñayii ma chi masu kua'a‑ni, sani te masu na in ketna'a‑ka ini ji'in i.

Proverbios 25:28

Sukan kúu in ñuu ja masu nawa ndesi va'a ña'a ma, sukan kúu in ñayii ñatuu kúu tatnuni nuu maa i sukan‑va'a ma sa'a i ni‑in ja u'vi ma.

Proverbios 27:3

Yuu ma ji'in ñuti ma inuvee xeen te tnundo'o xeen ja kondiso o, kovaa tnundo'o xeen‑ka ja kanda o kondiso o ja ndákiti ini ñayii ndee ini ma.

Proverbios 29:11

Ñayii kúkuee xeen ma ja ñatuu jáku'ni ini i ma chi ûni wa'a maa i tnu'u ja ndákiti xeen ini i te sa'a ndeva'a i ma, kovaa ñayii ndichi ma chi kúndee i tátnuni i nuu maa i, te ndúkuee ini i, te ñatuu sa'a i ja u'vi ma.

Santiago 1:19

Chukan kúu ja kútoo ña'a maa sa, ndijin ja ni ka nduu o sa'ya Su'si o a, te jin koo ñama ni ja jin koniniso'o ni, te jin kava kuee ini ni ora jin ka'an ni ma, te má jin ndakiti yachi ini ni.