Proverbios 12:15 - New Testament Psalms and Proverbs in Mixtec Magdalena Peñasco

¹⁵ Ñayii so'o xeen kaa ma chi ndaka ja sa'a i ma chi jani ini i ja ja va'a kúu, kovaa ñayii ndichi ma chi ndimaa kándija i ja ka ka'an so'o ñayii ma nuu i ma.

Proverbios 12:15 ပူးပေါင်းရင်းမြစ်များ

Proverbios 1:5

Te suni ñayii ndichi ma chi ñukuun‑ka niniso'o i tnu'u ndichi ya'a, te ja sukan sa'a i ma chi kundichi xeen‑ka i te kutu'va‑ka i naxe ko kuu i nuu Su'si ma,

Proverbios 13:1

Suchi ndichi ma chi jan‑ta'vi i ja ndáka'an so'o yuva i ma nuu i, kovaa suchi so'o xeen kaa ma chi masu nde kándija i ja ndáka'an so'o yuva i ma nuu i.

Proverbios 13:10

Ñayii jani ini ja maa i kúu‑ka ma chi yika‑ni ja ndúku i kúu ja kanaa i ji'in in‑ka ñayii ma, kovaa ñayii jan‑ta'vi ja ka ndaka'an so'o i nuu i ma chi in ñayii ndichi kúu i.

Proverbios 14:12

Ka iyo jaku ñayii ja ka jani ini i ja sukan ka sa'a ka kuu i ma te kuan koo i ichi va'a, kovaa masu nde ka ndasa'a i kuenda ja ichi nuu jin skenaa i maa i kuan koo i ma,

Proverbios 14:16

Ñayii ndichi ma chi xndoo i ja u'vi ma te ñatuu nde sa'a‑ka i, vaa yu'u i Su'si ma ja ndakan ya kuenda nuu i ma, kovaa ñayii so'o xeen kaa i ma chi masu ndí ini kuiti i nawa sa'a i ma, te ndito ndito‑ni na'a ja vixi xeen kaa i kúu ma.

Proverbios 16:2

Ndaka ja sa'a ja kúu ñayii ma chi jani ini maa i ja ja va'a‑ka kúu nuu Su'si ma, kovaa maa ya chi jini ndaa ya nú ja va'a kúu xi ña'a.

Proverbios 16:25

Ka iyo jaku ñayii chi ka jani ini i ja ichi va'a ma kuan koo i, kovaa masu nde ka ndasa'a maa i kuenda ja ndita ndita ichi nuu jin skenaa i maa i ma kuan koo i.

Proverbios 19:20

Ñayii kuan‑ta'vi ja ka ndaka'an‑so'o i nuu i ma te ma ndakone'e xiko i ja sukan ni ka jiña'a ñayii ma chi kutu'va i ja ko kuu i in ñayii ndichi.

Proverbios 21:2

Ndaka ja jani ini ñayii ma te sa'a i ma, kua'a ja va'a kúu jani ini maa i, kovaa maa Su'si ma kúu iya ndáka'an nú ja va'a kúu xi ja u'vi kúu ja ñu'u ini i ja sa'a i ma.

Proverbios 26:12

Iyo ñayii jani ini ja ndaka ja ká'an i ma te ndimaa ja va'a ka kuu te in ñayii ndichi kúu i jani ini maa i, kovaa ja ndaa kúu ja onde ñayii ndee ini ma chi iyo‑ka tnu'u kanu ini ja ndachu'un ini i te kee va'a i sana ñayii jani ini ja ñayii ndichi kúu i ma.

Proverbios 26:16

Ñayii kuxi ma chi jani ini i ja maa i jini‑ka sana uja‑ka ñayii inundichi ndija ma ja kuu jin ndaka'an‑so'o i nuu suchi kuxi ma.

Proverbios 28:11

Ñayii kúxiku ma chi jani ini i ja ñayii ndichi xeen kúu i, kovaa nuna kototnuni ña'a ñayii kúnda'vi‑ka ma te kuni maa i ja masu nawa jini kuiti ñayii kúxiku ma.

Proverbios 3:7

Máko kani ini ro ja maa ro kúu ñayii ndichi‑ka, su'va koyu'u Su'si iya ndákan kuenda ma, te kakayata nuu ja u'vi ma.

Proverbios 30:12

te ka iyo jaku i ja ka jani ini i ja ñayii masu na kuechi ka ndiso ka kuu i, kovaa ja ndandaa kúu ja ñayii ka sa'a ja u'vi ka kuu i.

Proverbios 9:9

Kaxtnu'u‑ka ni nuu ñayii ndichi ma, te kundichi‑ka i, vaa ñatuu‑ka na ja u'vi sa'a i ma, te jaku'ni‑ka ini i naxe ko sa'a ko kuu i,

Lucas 18:11

Tee kúu fariseo ma, núkuiñi de, te sa'a jikan‑ta'vi de: “Su'si, kuta'vi sa nuu ni, vaa masu kúu sa sukan ka kuu‑ka ñayii ma, ja ka sakui'na i ma, ja ka sa'a i ja u'vi ma, ja ka kivi nduu i ji'in in‑ka ña'a ma, te masu kúu sa sukan kúu tee yukan tee ndáke'en ya'vi xu'un no'o ñuu Roma ma.

Gálatas 6:3

Vaa nú na in jani ini ja in ñayii kanuu‑ka kúu i te masu nawa sa'a i ja chindee i tna'a i ma chi masu nawa kúu i nuu Su'si ma, su'va xnda'vi i maa i.