Proverbios 12:14 - New Testament Psalms and Proverbs in Mixtec Magdalena Peñasco

¹⁴ Vaa maa maa o ndani'i ndatna'a nawa ká'an o ma xi nawa sa'a nawa kúu o ma ndeva'a‑ni nú ja va'a xi ja u'vi kúu.

Proverbios 12:14 ပူးပေါင်းရင်းမြစ်များ

Salmos 63:5

Sani te ini anua sa ya chi ndusii ini xen‑xeen i, te ûni kayu'u sa kata sa, te ndachiñu'u ña'a sa.

Proverbios 1:31

te jin ndani'i jin ndatna'a maa ro ndaka ja u'vi ni ka yo sa'a, ni ka yo kuu ro ma. Ûni ni a in ma jin yanduu, onde jin ndando'o jin ndaneni ro ndaka.

Proverbios 13:2

Ndi‑in ndi‑in o chi jin ndani'i jin ndatna'a maa o sukan ka ka'an o ma, kovaa ñayii ñatuu va'a ini te ke'en su'va i in‑ka ñayii ma chi ndimaa ja sa'a ndeva'a i in‑ka ñayii ma ñu'u ini i.

Proverbios 14:14

Ñayii so'o xeen kaa ma chi ndaka ja u'vi sa'a kuu maa i ma chi ndani'i ndi'i ndani'i tu'u maa i, kovaa ñayii sa'a ja va'a ja vii ma chi ndimaa ja va'a ndani'i i te koo sii ini i.

Proverbios 15:23

Vivii kúu ora kénda ñayii ká'an naxe sa'a o ora ñatuu ní'i ini o naxe ko kuu ma, kovaa vii xeen‑ka kúu ja maa ora jiniñu'u o ma te kénda kunu tnu'u jiniñu'u o ma.

Proverbios 19:17

Ja chíndee o ñayii nda'vi ma chi kuenda tnu'u ja in ja wanuu o nuu Su'si ma kúu, te maa ya ja kúu ya Iya Tátnuni ma ndataa nuu o ja va'a ni sa'a o ma.

Proverbios 24:12

vaa visi na ka'an ni: “Masu ni ka jini kuiti sa ja sukan ko kuu ma”, ¿jani ini ni ja masu jini iya jini nawa jani ini o ma te ma ndakan ya kuenda te ndachunaa ñayii ma nawa sa'a i ma?, vaa nde'ya ya onde ini anua ni a, te jini ya ndaka, te ndataa ya nuu ndi‑in ndi‑in o ja va'a xi ja u'vi ni ka yo sa'a o ma.

Proverbios 5:22

Vaa kona'a ro ja ñayii sa'a ja u'vi ma chi maa ja u'vi ni sa'a i ma ndatnii vava'a ña'a te konu'ni vava'a maa i, te kondiso maa i kuechi i ma.

Mateo 16:27

Chi vaa saña ja kúu sa iya vee ñayivi ñuu ñayivi a chi ndii sa ji'in jayiñu'u Yuva sa ma, ji'in ndaka ángel ka jinukuechi nuu ya ma, te kivi yukan, te ndakua'a sa nuu ndi‑in ndi‑in ñayii ma sukan ni ka sa'a ni ka kuu i ma.

Hebreos 11:26

Vaa ja ni jani ini de kúu ja ja va'a‑ka kúu visi na jin ka'an ndeva'a ñayii ma nuu de sukan ni ka sa'a i Cristo ma, sana ndaka ja va'a iyo ñuu Egipto ma. Vaa ja nde'ya nde'ya de kúu ja ni'i de ja skuta'vi ña'a Su'si ma.

Hebreos 2:2

Vaa tnu'u ni tatnuni Su'si ma ja ni ka kaxtnu'u ángel ma nuu Moisés ma, te ni yo ndaka'an de nuu ñayii ma. Te nú na in ni jiso kuechi ma chi ûni sukan ká'an tnu'u ni tatnuni Moisés ma, sukan ni yo ndachunaa i.