Proverbios 12:13 - New Testament Psalms and Proverbs in Mixtec Magdalena Peñasco

¹³ Ñayii sa'a ja u'vi ma chi maa ja xnda'vi i ñayii ma nukun‑tuu maa i te ndando'o ndaneni i, kovaa ñayii ká'an ndimaa ja va'a ja ndaa ma chi vivii yanduu yandoso i nuu ndaka tnundo'o kenda ma.

Proverbios 12:13 ပူးပေါင်းရင်းမြစ်များ

Salmos 34:19

Visi kua'a xeen tnundo'o tnuneni tná'a ñayii sa'a ja va'a ja ndaa ma, kovaa sa'a Su'si Iya Tátnuni ma ja vivii yanduu yandoso i nuu ndaka tnundo'o tnuneni yukan.

Salmos 34:20

Te jito vava'a ya ndaka yiki i ma, te ni‑in masu tna'nu.

Salmos 5:6

Te xnaa ni ndaka ñayii ka ka'an tnu'u ma, ji'in ndaka ñayii ka xnda'vi tna'a ma, ji'in ndaka ñayii ka ja'ni tna'a ma, te masu kuan‑ta'vi ni i nuu iyo ni a, vi Iya Tátnuni.

Salmos 59:12

Jín kuiso kuechi maa i ndaka ja u'vi ka ka'an i ma, vaa ka jani ini i ja maa i ka kuu‑ka. Te jín nukun‑tuu maa i ndaka ja u'vi ka ka'an i ma, ji'in ja ka xnda'vi i ñayii ma, te jín ndani'i jín ndatna'a maa i.

Salmos 59:13

Te xndo'o xneni ni i, te xnaa ni i, sukan‑va'a má jin koo‑ka i ñuu ñayivi ya, te jín kuni ñayii kúu ñuu tee kúu Jacob ma ji'in ni‑ka'nu ñuu ñayivi a ja maa ni kúu Su'si.

Salmos 64:8

Ndaka ja ni ka ka'an, ni ka kachi maa yaa i ma sa'a ja jin skenaa i maa i, te ndaka ñayii jin konde'ya ma chi jin jakundee i ñayii ka ndani'i ka ndatna'a ja u'vi ni ka sa'a maa i ma.

Proverbios 10:8

Ñayii iyo tnu'u ndichi ini anua i ma chi jan‑ta'vi i te kándija i tnu'u ni tatnuni Su'si ma, kovaa ñayii ndee ini ma te ndimaa ndákone'e xiko i ma chi skenaa i maa i.

Proverbios 11:8

Ñayii sa'a ja va'a ja ndaa ma chi kaku i nuu tnundo'o tnuneni kenda ma, kovaa ñayii sa'a ja u'vi ma chi ndando'o ndaneni maa i ja u'vi sa'a i ma.

Proverbios 15:2

Ñayii ndichi ma chi ndimaa tnu'u vii tnu'u va'a, tnu'u kuatniñu o ká'an i, kovaa ñayii so'o xeen kaa ma chi ndimaa tnu'u ndeva'a tnu'u kini ma, tnu'u masu nde kuatniñu o kúu tnu'u ká'an i ma.

Proverbios 18:21

Vaa nuna ka'an maa ñayii ja va'a ma te koteku kani i, kovaa nú ma ko koto va'a maa i tnu'u ká'an i ma chi maa tnu'u ká'an i ma sa'a ja kûu‑ni i.

Proverbios 21:23

Ñayii jito va'a i yu'u i ma yaa i ma ja ñatuu nde ká'an i tnu'u masu nde kuatniñu ma chi iyo sii ini i, vaa masu na nde kívi nduu kívi ni'ni i nuu tnundo'o ma.

Proverbios 6:2

chi kuenda tnu'u ja ni ju'ni vava'a ro maa ro ja sukan ni ka'an ro ma,

Mateo 27:25

Te ni ka ndakone'e ndaka ñayii ñuu ma, te ka jiña'a i: ―‍Má ko ndi ini ni, niñi tee jiña jín kuiso ndaka maa sa ji'in sa'ya tata sa a ―‍ka kuu de ka jiña'a de.

2 Pedro 2:9

Kovaa sa'a, te ka jini o ja Iya Tátnuni ma chi kuu kasi ndee kasi ndoso ya ñayii kándija ja ká'an ya ma ja ma ska'an ña'a tachi ma, te koneva'a tu'va ya ñayii ka sa'a ja u'vi ma onde kenda kivi ndakan ya kuenda nuu i ma te jin ndachunaa i ja ni ka yo sa'a, ni ka yo kuu i ma.