Proverbios 12:1 - New Testament Psalms and Proverbs in Mixtec Magdalena Peñasco

¹ Ñayii jan‑ta'vi ja ka ndaka'an so'o ñayii ma naxe ko sa'a ko kuu i ma chi ñayii ndichi kúu i, kovaa ñayii saxiko ja ka ndaka'an so'o ñayii ma nuu i ma chi in ñayii so'o kúu i te ñatuu ndása'a i kuenda i ma.

Proverbios 12:1 ပူးပေါင်းရင်းမြစ်များ

Salmos 119:27

Te sa'a ni ja jaku'ni va'a ini sa sukan ká'an tnu'u tátnuni ni ja sa'a sa ma, sukan‑va'a ndása'a sa kuenda ja vii ja luu sa'a ni ma.

Salmos 141:5

¡Naka vii naka va'a ko kuu ja ñayii sa'a ja va'a ja ndaa ma, te suu i jin ko kuu ñayii jin ndaka'an‑so'o nuu sa a, nú masu va'a‑ni sa'a sa ma! Chi ja sukan ma chi kuenda tnu'u ja sukan kúu ndute jáxiko asi ka chi'i ñayii ma maa i ma ko kuu ja ndaka'an‑so'o ñayii ma nuu sa ma. Te saña chi koniniso'o sa ja ndaka'an ja ndakachi i nuu sa ma, te ma saxiko sa, vi Su'si. Visi tnundo'o xeen sukan jin ndaka'an‑so'o i ma, kovaa saña chi kakan‑ta'vi kakan‑ta'vi sa nuu ni ja ñayii ka sa'a ja u'vi ma, te máko jin ko sa'a‑ka i, vi Su'si.

Salmos 32:9

Máko kuu ni sukan kúu in caballu xi sukan kúu in mula, ja ñatuu ka jaku'ni ini ti ma, vaa inundee xeen ini ti, te nde nini ja jin kinee kaa yu'u ti ma te jin konu'ni i ji'in in yo'o, vaa nú ña'a chi másu jan koo ti jan tu'va ña'a ti”, kúu ya ká'an ya.

Salmos 50:17

Vaa ndijin chi su'va ndákiti ini ni nuu ñayii ndáka'an‑so'o nuu ni sukan kúni sa ja ko kuu ni ma, te ja sukan sa'a ni a chi saxiko ni tnu'u tátnuni sa a.

Salmos 92:6

Kovaa ñayii ñatuu ndása'a kuenda ndaka ja sa'a ja kúu ni a chi masu nawa jini kuiti i, te ñayii ndee ini ma chi ñatuu jáku'ni ini i ja maa ni ni sa'a ndaka ma.

Proverbios 10:8

Ñayii iyo tnu'u ndichi ini anua i ma chi jan‑ta'vi i te kándija i tnu'u ni tatnuni Su'si ma, kovaa ñayii ndee ini ma te ndimaa ndákone'e xiko i ma chi skenaa i maa i.

Proverbios 11:31

Ja ndaa ndija kúu ja ñayii ndimaa sa'a ja va'a ja ndaa ma chi ko ni'i ko tna'a i nani téku i iyo i ñuu ñayivi a, kovaa ñayii ndimaa ja u'vi sa'a i ma chi kua'a xeen ja u'vi ndani'i ndatna'a maa i.

Proverbios 12:2

Ñayii jani vii jani va'a ini ma chi játna ini Su'si ma ja sukan kúu i ma, kovaa ñayii jani ini ndimaa ja u'vi sa'a i ma chi maa Su'si ma sa'a ja ndachunaa i ja sa'a i ma.

Proverbios 15:10

Ñayii ñatuu jika ndaa ichi Su'si a chi ndaka'an ni'i ya nuu i, te ñayii saxiko ja ndáka'an‑so'o ya nuu i ma chi skenaa i maa i.

Proverbios 18:1

Ñayii ndiyo ini ma chi ñu'u ini i ja koo va'a maa i ma‑ni, te ni ñatuu jan‑ta'vi i ja ka ka'an‑so'o ñayii ma nuu i ma.

Proverbios 30:2

Saña chi kúkuee xeen‑ka sa sana ndaka‑ka tee ma, vaa ni ñatuu jaku'ni ini sa sukan ka jaku'ni ini ñayii ma,

Proverbios 8:17

Ñayivi ni‑yu'u ni‑ini i ndánduku ña'a i ma, ji'in suchi jaa ka ndanduku ña'a ma chi jin ndani'i yachi‑ni ña'a i.

Proverbios 8:32

’Chukan kúu ja vitna, vi sa'ya maa ri, jin koniniso'o ja ká'an káchi ri a. Ja vava'a ka kuu ñayii ka kandija te ka sa'a i sukan ká'an káchi ri a.

Proverbios 8:36

Kovaa ñayii saxiko tnu'u ndichi a chi sa'a u'vi maa i ini anua i ma, te ja ni'i i kúu ja kûu i te skenaa i maa i ma.” Sa'a ká'an tnu'u ndichi Su'si ma.

2 Tesalonicenses 2:10

Te ndeva'a‑ni ja u'vi nduku de ja sa'a de ja xnda'vi de ñayii ma, sukan‑va'a jin skenaa i maa i ma, vaa kuechi ja ñatuu ni ka kutoo i tnu'u ndaa tnu'u ndija ma tnu'u kuu sa'a ja jin ndani'i ta'vi i ma.