Proverbios 11:30 - New Testament Psalms and Proverbs in Mixtec Magdalena Peñasco

³⁰ Ñayii sa'a ja va'a ja ndaa ma chi sa'a i ja jin koteku ñayii ma, vaa ñayii ndichi kúu i, te ja sa'a i ma sa'a ja jin kandija ñayii ma Su'si ma te jin ndani'i ta'vi i.

Proverbios 11:30 ပူးပေါင်းရင်းမြစ်များ

Salmos 92:14

Te visi ni ka kuu nija'nu i ma, kovaa jin sa'a i ja vii ja va'a ma, te ndimaa jin koo tnu'u ndee tnu'u ndatnu i, te sukan, te jin kuni ñayii ma ja ka iyo ndee ka iyo ndatnu i.

Proverbios 12:12

Ñayii kúneé kú‑uun ma chi ndíyo ini i ja ko kuu i sukan ka kuu ñayii ka sa'a ja u'vi ma, kovaa masu jini i nawa ndetu ña'a ja ndo'o i, kovaa ñayii sa'a ja va'a ja ndaa ma chi ni‑kani ni‑jika ndimaa ja va'a ko kuu ja ndani'i ndatna'a i.

Proverbios 14:25

Ñayii ndáka'an ndaa nawa ni jini i ma chi sa'a i ja ka kaku ñayii ma nuu tnundo'o ma, vaa ndáka'an ndaa ndaa i ma, kovaa ñayii játna ini ja xnda'vi i ñayii ma chi masu ndáka'an ndaa kuiti i nawa ni jini i ma.

Proverbios 15:4

Ñayii ká'an vii ká'an va'a ma chi wa'a i tnu'u kanu ini in‑ka ñayii ma, te ndusii ini ñayii yukan, kovaa ñayii ká'an tnu'u ndeva'a ma nuu in‑ka ñayii ma chi sa'a i ja kúxii ini ñayii yukan.

Proverbios 3:18

Tnu'u ndichi Su'si a chi sa'a i ja koteku ñayii tnii vava'a ma. Naka vii naka va'a kúu ñayii jan‑ta'vi ndaka sukan ká'an tnu'u Su'si ma te ñatuu xndoo i ma.

Mateo 4:19

Te jiña'a ya: ―‍Ne'e koo ni, te jin kondikin ña'a ni, te sa'a sa ja jin ko kuu ni sukan ka kuu tee ka tava tiaka ma, te jin ndaxtutu ni ñayii ja jin kandija i ja ká'an sa a, te jin kondikin ña'a i maa sa ―‍kúu ya jiña'a ya.

Juan 4:36

Ñayii satniñu nuu ndútutu ma chi ké'en ya'vi i, te ñayii ndáxtutu ma, ndáxtutu i ja jin koteku i ni‑kani ni‑jika, vaa suni ñayii sáka ma ji'in ñayii ndáxtutu ma, ka kusii ini ndunduu i.

1 Tesalonicenses 2:19

Kovaa saña chi ka kukanu ini sa ja jin koo sii ini xeen sa nuu Jesús iya tátnuni nuu o a kivi ndii ya ma, vaa ndataa ya ja vii ja va'a jin kuta'vi sa, vaa ni ka kandija ni ja ni ka ka'an sa ma.

Santiago 5:20

te jin kona'a ni ja nú na in sa'a ja ndakokuiñi ñayii ni ndakuiso kuechi ma ichi Su'si o a chi jâ ni kundee i ja ni kaku anua ñayii yukan, te ma skenaa i maa i ma, vaa jâ ni ndasakanu ini ña'a Su'si ma ndaka kuechi ni ndasa'a i ma.

Apocalipsis 2:7

’Nde ni iyo so'o, te koniniso'o va'a ni ja ká'an Xtumani Ndios ma nuu ñayii ka kandija Su'si ma ja ka ndatna'a i ndaka ñuu ma. Nú na in na kanda ja sa'a i ja va'a ma, te kua'a sa ja kaa i ja kuun yutnu sa'a ja koteku ñayii ma yutnu iyo sasava nuu vivii nani paraíso ma nuu iyo maa Su'si ma”, ―‍kúu ya ká'an ya nuu sa ma.