Proverbios 11:28 - New Testament Psalms and Proverbs in Mixtec Magdalena Peñasco

²⁸ Te ñayii kúkanu ini nuu ja ní'i tna'a i ma chi ndo'o i sukan kúu nda'a yutnu ma ja nú ni yichi ma chi ii‑ii‑ni jinkava i ma, kovaa ñayii sa'a ja va'a ja ndaa ma chi sukan kúu yutnu vivii ve ndukuii tnu ma ja ve nana nda'a tnu ma, sukan kúu i.

Proverbios 11:28 ပူးပေါင်းရင်းမြစ်များ

Salmos 1:3

Te ja sukan sa'a i ma, te ko kuu i sukan kúu yutnu núkoo yu'u yute ma, ja kúun nde'ya tnu ma yoo iyo ja kuun i ma, te ni‑kani ni‑jika iyo kuii nda'a tnu ma. Te chukan kúu ja ndaka ja sa'a ñayii yukan chi kee va'a.

Salmos 49:6

Vaa maa i chi ka kukanu ini i ndaka ja ka neva'a i ma, te ka kuvixi i ja kua'a xeen ja ka neva'a i ma.

Salmos 62:10

Máko kukanu ini ni ja onde sa'a ndeva'a ni ñayii ma sana ni'i ni nawa kúni ni ma, ni a sakui'na ni sana kuxiku ni. Te nú ve kuxiku ni ma, máko kukanu ini ni xu'un ni ma.

Proverbios 10:15

Ñayii ndichi ma chi ja ni jani va'a ini i ma te ní'i tna'a i te iyo tu'va i te kúu yanduu i nuu tnundo'o kénda ma, kovaa ñayii kúnda'vi kúkee ma chi ja ñatuu ni jani va'a ini i kúu, te kundee maa tnundo'o ma nuu i.

Lucas 12:20

Kovaa Su'si ma, jiña'a ya: “Ñatuu jani va'a ini ni ja jani ini ni sukan. Vaa jakuaa vitna, te kûu ni, te ja ni tava'a ni a, ¿na in xi‑kuenda ko kuu?”

1 Timoteo 6:17

Te tatnuni ni nuu ñayii ka kuxiku tiempu ya'a ja máko jin kani ini i ja maa i ka kuu‑ka ma, ni a jin kukanu ini i nuu xu'un i ma. Vaa xu'un ma chi ní'i o, te sani te ndí'i tuku maa i. Su'va jín kukanu ini i nuu Su'si iya téku ma ja maa ya kúu iya táa ndaka tu'u nawa neva'a o ma, te su'va kua'a‑ka taa ya, sukan‑va'a jin kuatniñu va'a o sukan kúni ya ja jin sa'a o ma, te jin koo sii ini o.