Proverbios 11:23 - New Testament Psalms and Proverbs in Mixtec Magdalena Peñasco

²³ Ja iyo ja jin ni'i ñayii ka sa'a ja va'a ja ndaa ma kúu ja jin koo va'a i, te ja ndetu ña'a ja jin ni'i ñayii ka sa'a ja u'vi ma kúu ja ndakiti ini Su'si ma nuu i.

Proverbios 11:23 ပူးပေါင်းရင်းမြစ်များ

Salmos 10:17

Iya Tátnuni, koniniso'o ni ndaka ja ka jikan‑ta'vi ñayii nda'vi ma, vaa maa ni sa'a ja ka ndusii ini ini anua i ma, te katanuu ni ja ka ka'an i ma.

Salmos 119:10

Saña chi ni‑yu'u ni‑ini sa ndánduku ña'a sa, te máko kua'a ni tnu'u ja xndoo sa sukan tátnuni ni ja ko sa'a sa ma.

Salmos 119:5

¡Naka va'a ko kuu sa, nuna konukuiñi va'a sa ichi ni a te kandija tna sa ja sa'a sa sukan tátnuni ni a, vi Su'si!

Salmos 27:4

In‑ni ja ni jikan‑ta'vi sa nuu Iya Tátnuni ma, te chukan kúni sa ja na kuu sa'a sa: Ja na koo sa ve'e Iya Tátnuni ma ndaka kivi koteku sa a, te konde'ya konde'ya‑ni sa ya, te kuni sa sukan vii sukan luu kaa ya ma, te kakan‑tnu'u kakan‑tnu'u sa ya naxe ko sa'a ko kuu sa ma.

Salmos 37:4

Te koo sii ini ni ja iyo ni ji'in Iya Tátnuni ma, te maa ya taa ndaka nawa jikan‑ta'vi ni nuu ya ma, ndaka ja ñu'u ini ni ja sa'a ni ma.

Proverbios 10:28

Ñayii ka sa'a ja va'a ja ndaa ma chi jin ni'i sii ini i ja ka ndetu i ma, kovaa ñayii ka sa'a ja u'vi ma chi visi iyo ja ka ndetu i ja jin ni'i i ma, kovaa masu jin ni'i i, vaa sani te jin naa.

Proverbios 11:24

Ka iyo ñayii ja sii ini ka wa'a i nawa ka neva'a i ma ñayii ka jiniñu'u ma, te sa'a Su'si ma ja kua'a‑ka ka ndani'i i, kovaa ka iyo ñayii ja inuxii xeen ini i ja ni masu ka ndi ini i ja jin chindee i ñayii ka jiniñu'u ma sukan iyo ja jin sa'a i ma, te su'va ka ndunda'vi‑ka maa i ja sukan ka sa'a i ma.

Proverbios 11:7

Chukan kúu ja kivi kûu ñayii sa'a ja u'vi ma, te yukan‑ni, te ni ndi'i ja ni yo kukanu ini i ma, te sukan‑ni, te ni naa maa i ji'in ndaka ja ni yo ñu'u ini i ma.

Proverbios 12:5

Ñayii jika ndaa nuu Su'si ma chi ndimaa ja ndaa ja ndija kúu ja jani ini i te ká'an i ma, kovaa ñayii sa'a ja u'vi ma chi ndimaa tnu'u xnda'vi tna'a kúu ja ká'an i ma.

Proverbios 13:2

Ndi‑in ndi‑in o chi jin ndani'i jin ndatna'a maa o sukan ka ka'an o ma, kovaa ñayii ñatuu va'a ini te ke'en su'va i in‑ka ñayii ma chi ndimaa ja sa'a ndeva'a i in‑ka ñayii ma ñu'u ini i.

Mateo 5:6

’Vava'a jin kendoo ñayii ni‑yu'u ni‑ini i ka ndanduku i ja va'a ja ndaa tátnuni Su'si ma ja jin ko sa'a i ma, vaa jin ni'i ndija i ja ka jiniñu'u anua i ma.

Hebreos 10:27

Su'va in nuu kini ndetu ña'a ja ki'in o ndachunaa o kuechi o ma. Te in nuu káyu kóko iyo ja kun‑nee ñayii ñatuu kúnimani nuu Su'si ma.