Proverbios 11:19 - New Testament Psalms and Proverbs in Mixtec Magdalena Peñasco

¹⁹ Vaa ja sa'a o ja va'a ja ndaa ma chi sa'a i ja koteku o ni‑kani ni‑jika, kovaa ja kondikin o ja sa'a o ja u'vi ma chi ichi nuu skenaa o maa o ma kúu.

Proverbios 11:19 ပူးပေါင်းရင်းမြစ်များ

Proverbios 10:16

Ñayii ndichi ma te sa'a i ja va'a ja ndaa ma chi koteku i ni‑kani ni‑jika, kovaa ñayii sa'a ja u'vi ma chi jiso kuechi i nuu Su'si o ma.

Proverbios 11:4

Vaa kivi ndakan Su'si ma kuenda ma chi masu nawa chindee ña'a ja ni'i tna'a i ma ja kaku i, kovaa ñayii sa'a ja va'a ja ndaa ma chi maa ja sa'a ja kúu i ma sa'a ja kaku i te ma skenaa i maa i.

Proverbios 12:28

Ja ko sa'a o ja va'a ja ndaa ma chi kua'an o ichi nuu koteku o ni‑kani ni‑jika, te masu kûu o te skenaa o maa o.

Proverbios 19:23

Ja koyu'u o Su'si ma te ma ko sa'a o ja u'vi ma chi chindee ña'a i ja koteku o ni‑kani ni‑jika, te maa ya sa'a ja kusu sii ini o te ndatatu o, te ni‑in tnundo'o ma kenda nuu iyo o ma.

Proverbios 21:16

Ñayii ñatuu ndása'a kuenda naxe ko kuu i in ñayii va'a ma te kúneé kú‑uun‑ni maa i ma chi ichi nuu kûu i te skenaa i maa i kua'an i.

Proverbios 21:21

Kovaa ñayii ndúku ja koo va'a koo ndaa i nuu Su'si ma te iyo tnu'u nda'vi ini i ma, chi skuta'vi ña'a Su'si ma ja vii ja va'a ma, te koo jayiñu'u i, te koteku kani i.

Proverbios 8:36

Kovaa ñayii saxiko tnu'u ndichi a chi sa'a u'vi maa i ini anua i ma, te ja ni'i i kúu ja kûu i te skenaa i maa i ma.” Sa'a ká'an tnu'u ndichi Su'si ma.

Hechos 10:35

nú masu ja ni‑ka'nu ñuu ñayivi ya jan‑ta'vi ya ñayii ka ndi ini naxe jin koo va'a i ji'in ya ma te ka sa'a ndaa ka sa'a ndija i sukan játna ini Su'si ma.

Romanos 6:23

Vaa nuna jin sa'a o ja u'vi ma, te ja jin ni'i o kúu ja jin skenaa o maa o, kovaa nuna jin ko sa'a o sukan ká'an tnu'u ni skuta'vi ña'a Su'si ma chi jin koteku o ni‑kani ni‑jika ja maa Cristo Jesús iya tátnuni nuu o a.

Santiago 1:15

Sani te ja játna ini o ja sa'a o ma ni kundee i ja ni jiso kuechi o ma. Te nú ja ndiso kuechi o ma, sani te kújika o nuu Su'si ma.

1 Juan 3:10

Te sukan, te jini o na in ka kuu sa'ya Su'si ma ji'in na in ka kuu sa'ya tachi ma: vaa ndaka ñayii ñatuu ka sa'a ja va'a ma te ñatuu ka kutoo tna'a i ma, masu sa'ya Su'si ma ka kuu i.

1 Juan 3:7

Sa'ya sa, ñatuu ni‑in ñayii ko xnda'vi ña'a: nú na in sa'a ja ndaa ma, in ñayii va'a in ñayii ndaa kúu i, vaa sa'a i sukan sa'a ndaa maa ya ma.