Proverbios 11:14 - New Testament Psalms and Proverbs in Mixtec Magdalena Peñasco

¹⁴ Nú ñatuu na tnu'u ndichi Su'si ma iyo nuu tee tátnuni in ñuu ma chi nuna kenda in‑ka ñuu ja jin kanaa i ma chi jin skenaa de, kovaa ñuu nuu ka iyo kua'a ñayii ndichi ma te ka ketna'a ini i ma chi masu na in kundee nuu i.

Proverbios 11:14 ပူးပေါင်းရင်းမြစ်များ

Proverbios 15:22

Nú ñatuu na in ndichi ja ndaka'an‑so'o i naxe ko kuu ma chi masu kee ja ka ñu'u ini i ja jin sa'a i ma, kovaa nuu ka iyo kua'a ñayii ndichi‑ka te ka ndatnu'u tna'a i naxe ko kuu ma chi vivii kendoo.

Proverbios 16:22

Ñayii ndichi ma chi ja ndetu ña'a ja ni'i i kúu ja koteku kani i, kovaa ja ni'i maa ñayii so'o xeen kaa ma kúu ja ndando'o ndaneni i ja u'vi sa'a i ma.

Proverbios 20:18

Kuan‑ta'vi o tnu'u va'a ká'an‑so'o in‑ka ñayii ma te kani va'a ini o nawa sa'a o ma, vaa nawa kúu ja tee ki'in jin kanaa de ji'in in‑ka ñuu ma chi xinañu'u‑ka jakin tna'a va'a de naxe ki'in de ma sukan‑va'a kundee de ma.

Proverbios 24:6

vaa tee ki'in jin kanaa ji'in in‑ka ñuu ma chi onde kani vava'a ini de naxe sa'a de ma, sukan‑va'a kundee de nuu ñuu kanaa ji'in de ma, te onde kakan‑tnu'u de nuu tee ka jini‑ka ma, te jin ka'an jin kachi tee ma nuu de ma, sana kundee de nuu ñayii kanaa ji'in de ma.