Proverbios 10:9 - New Testament Psalms and Proverbs in Mixtec Magdalena Peñasco

⁹ Ñayii jika ndaa jika ndija ma chi masu nawa yu'u i ndenu kua'an ndenu vee i vaa ja va'a sa'a i ma, kovaa ñayii sa'a ja u'vi ma chi ndí ini xeen i nasa yukan te ndatuu ja u'vi sa'a i ma.

Proverbios 10:9 ပူးပေါင်းရင်းမြစ်များ

Salmos 23:4

Visi na ya'a sa yuu nuu nee xeen ma nuu ka ja'ni tna'a i ma, kovaa masu nawa koyu'u sa, vaa maa ni iyo ji'in sa, vi Su'si. Karroti ni a ji'in yutnu xii yinda'a ni a ka sa'a ja kúkanu ini ña'a sa.

Salmos 25:21

Te ûni ni‑yu'u ni‑ini sa ká'an sa nuu ni a, te másu xnda'vi ña'a sa, vaa jini maa ni ja masu na ja u'vi sa'a sa, vaa kúkanu ini ña'a sa ja maa ni, te koo va'a sa.

Salmos 84:11

Vaa nuu iyo ni a chi kaji kaji ndíi sukan ndíi kandii ma, te maa ni jasi ndee jasi ndoso ña'a ja na kaku sa nuu ja u'vi ma, vi Su'si. Te skuta'vi ña'a ni ja vii ja va'a, te koo jayiñu'u sa, vi Su'si Iya Tátnuni. Vaa Su'si ma chi masu kendee ya ja vii ja va'a ka kuta'vi ñayii ka sa'a ja va'a ja ndaa ma.

Proverbios 17:20

Ñayii nde'e xeen kaa ini ma chi masu kee nawa ñu'u ini i ja sa'a i ma, te ja sukan ká'an tnu'u i ma, te jákun‑nee i nuu ja u'vi ma.

Proverbios 26:26

Visi na nduku i naxe chu'u i tna'a ja u'vi ñu'u ini i ma, kovaa ndaka ndatuu, te ndaka ñayii ma jin kuni.

Proverbios 28:1

Ñayii sa'a ja u'vi ma chi yu'u xen‑xeen i te jinu i kua'an i, vaa jani ini i ja ndimaa ka iyo ñayii ka sondikin ña'a, kovaa ñayii sa'a ja va'a ja ndaa ma masu nawa yu'u i, sukan kúu ndika'a ma sukan kúu i, vaa kúkanu ini i ja masu na in kundee nuu i.

Proverbios 28:18

Ñayii ñu'u kaji ñu'u va'a ini ma te sa'a i ja va'a ma chi kaku i nuu ja u'vi ma, kovaa ñayii so'o xeen kaa te sa'a ndeva'a i in‑ka ñayii ma chi sanaa sanaa‑ni kotuu i te skenaa i maa i sukan ni kuni i ja ndo'o neni in‑ka ñayii ma.

Proverbios 3:23

te ñatuu nawa ko ndi ini ro nde kua'an nde vee ro, vaa masu nawa sa'a ja kotuu ro ichi Su'si ro a.

Mateo 10:26

’Chukan kúu ja másu ko jin koyu'u ni, vaa masu nawa iyo ja kuu koo yu'u, su'va ndaka ndatuu, te ñatuu nawa iyo yu'u ja masu jin kuni o.

1 Corintios 4:5

Chukan kúu ja máko jin ka'an yachi‑ni ni nawa kúu. Va'a‑ka ja na jin kondetu o ja kenda kivi ndenda Iya Tátnuni ma, vaa maa ya ndakaxtnu'u tna'a ja ka iyo yu'u nuu nee ma, te maa ya ndakaxtnu'u nawa ni jani ini anua o ma ja sa'a o ma, te sani te ndi‑in ndi‑in o ja ni ka sa'a o ja va'a ma jin ndani'i jayiñu'u nuu Su'si ma.

1 Timoteo 5:25

Te suni sukan kúu ji'in jaku ñayii ka sa'a ja va'a ma chi yachi‑ni kuni o ja va'a ka sa'a i ma. Te ja va'a ka sa'a jaku‑ka ñayii ma chi kuee‑ka sana kuni o, kovaa masu ja kuyu'u kúu ja va'a ka sa'a ka kuu o a.