Proverbios 10:4 - New Testament Psalms and Proverbs in Mixtec Magdalena Peñasco

⁴ Ñayii kuxi te ñatuu ndí ini i ja satniñu i ma chi ko kunda'vi ko kukee i, kovaa ñayii ñu'u ini ma te satniñu i ma chi ko ni'i ko tna'a i.

Proverbios 10:4 ပူးပေါင်းရင်းမြစ်များ

Proverbios 10:5

Ñayii ñu'u kaji ini ma chi satniñu i itu i ma, te na'a i na tiempu ndáxtutu i itu i ma, kovaa suchi ká'an uun ká'an su'va‑ni ini ma te ñatuu ndáxtutu i itu i ma chi ja kan‑nuu wa'a i yuva i ma.

Proverbios 11:24

Ka iyo ñayii ja sii ini ka wa'a i nawa ka neva'a i ma ñayii ka jiniñu'u ma, te sa'a Su'si ma ja kua'a‑ka ka ndani'i i, kovaa ka iyo ñayii ja inuxii xeen ini i ja ni masu ka ndi ini i ja jin chindee i ñayii ka jiniñu'u ma sukan iyo ja jin sa'a i ma, te su'va ka ndunda'vi‑ka maa i ja sukan ka sa'a i ma.

Proverbios 12:24

Ñayii ñu'u ini te satniñu i ma chi ko ni'i ko tna'a i te koo ñayii jin satniñu nuu i ma, kovaa ñayii kuxi ma chi masu ni'i nde i te in‑ka ñayii xi‑nuu ko satniñu i‑ni.

Proverbios 12:27

Ñayii kuxi ma chi onde kiti ni ja'ni i ma masu no'o i ji'in ti ve'e i ma ja jin kaa i kuñu ti ma, kovaa ñayii ñu'u ini ma chi jini i ja ja va'a xeen kúu ndaka ja ni'i tna'a i ma.

Proverbios 13:4

Ñayii kuxi ma chi ndíyo ini i kua'a ja koneva'a i kovaa masu nawa ni'i i, kovaa ñayii ndí ini ja satniñu i ma chi ve ni'i ve tna'a‑ka i.

Proverbios 18:9

Ñayii kuxi te ñatuu satniñu va'a i ma chi inuu kuiti kúu i ji'in ñayii ndákana in ja iyo va'a ma.

Proverbios 19:15

Ñayii kuxi ma chi játna ini i ja kusu xeen i, te ja sukan kúu i ma chi ko kokon ko yichi i.

Proverbios 19:24

Ñayii kuxi ma chi chúnee‑nka tna i nda'a i nuu ko'o ma, kovaa ni masu ndí ini i nawa ni ni'i i ma.

Proverbios 20:13

Máko tnaa xeen ro ñuma'na nuu ro, nú ña'a, te ko kunda'vi ko kukee ro, su'va ko ndoto ne'e ro te koo kua'a ja kaa ro.

Proverbios 20:4

Ñayii kuxi ma chi ñatuu ndáta'vi ndásaka i itu i ma tiempu vijin ma, te kivi kenda ja skee ñayii ma itu i ma, te visi na ki'in maa i jin koto i itu i ma, kovaa masu nawa ndani'i i.

Proverbios 21:5

Ñayii jakin tna'a vivii nawa jani ini i ja sa'a i ma chi kee va'a ja jani ini i ja sa'a i ma, kovaa ñayii ñatuu ndása'a kuenda i ma chi jani yachi‑ni ini i te sa'a i nde a kúni i ma, kovaa ja sukan kúu i ma chi ndunda'vi ndukee i.

Juan 6:27

Má jin satniñu ni siki ja ndeyu ndí'i ma, su'va jin satniñu ni siki ja ndeyu masu ndi'i ma, tna'a ja sa'a ja jin koteku ni ni‑kani ni‑jika ma, tna'a ja taa iya ni kenda ñayivi ñuu ñayivi a, iya ni kaxtnu'u Yuva o Su'si ma ja jin kandija ni ya ma ―‍kúu ya jiña'a ya.

1 Corintios 15:58

Chukan kúu ja ndijin ja kútoo ña'a sa a, ja ni ka nduu ni sa'ya Su'si o a, ni‑yu'u ni‑ini ni jin konukuiñi va'a ni nuu Su'si a, te jin satniñu jin satniñu‑ka ni nuu Iya Tátnuni ma, vaa ka jini o ja masu ka satniñu ka'a o nuu Iya Tátnuni ma.