Proverbios 10:3 - New Testament Psalms and Proverbs in Mixtec Magdalena Peñasco

³ Vaa Su'si ma chi masu kua'a ya tnu'u ja ko kokon ko yichi ñayii sa'a ja va'a ja ndaa ma, kovaa ñayii ka sa'a nanimaa ja u'vi ma chi kua'a Su'si ma tnu'u, te jin ndando'o jin ndaneni maa i ja u'vi ka sa'a i ma.

Proverbios 10:3 ပူးပေါင်းရင်းမြစ်များ

Salmos 10:14

Kovaa maa ni chi nde'ya ni ndaka ja u'vi ka sa'a ka kuu i ñayii nda'vi ma, te maa ni chi ndakan ni kuenda nuu ñayii ka sa'a ja u'vi ma, vaa nuu maa ni ka kukanu ini ñayii nda'vi ma, te maa ni chíndee suchi kuechi ñatuu na yuva na si'i‑ka i ma.

Salmos 112:10

Te kuni ñayii sa'a ja u'vi ma, te ûni ndakiti xeen ini i, te ûni ndakaa ndi'i i nu'u i, te xnaa i maa i. Ja ñu'u ini ñayii sa'a ja u'vi ma ja sa'a i ma chi másu ko kuu sukan jani ini i ma.

Salmos 33:19

Vaa sa'a ya ja jin kaku i, te masu jin kûu i, te sa'a ya ja jin koteku i kivi koo soko koo tnama ma.

Salmos 37:19

Ñayii ya'a chi masu nawa jin kukan‑nuu i kivi kenda tnundo'o tnuneni ma. Visi na kenda tnama ma, kovaa ñayii ya'a chi koo ja jin kaa i, te masu nawa ko ka'ni ña'a i.

Salmos 37:25

Ñayii jaa ni yo kuu sa, te vitna chi jâ ni kuu nija'nu sa, te ñatuu nde jini sa ni‑in ñayii sa'a ja va'a ja ndaa ma, te kendoo nda'vi kendoo kee i, ni a sa'ya tata i ma, ñatuu nde ka ka'an kuechi i ja ñatuu nawa ka ni'i i ja jin kaa i ma.

Salmos 37:3

Va'a‑ka ja na kukanu ini ni Iya Tátnuni ma, te ko sa'a ni ja va'a ma, sukan‑va'a koo ni nuu ñu'ú taa Su'si ma. Te tnu'u ndaa tnu'u ndija ya ma, skaka ña'a i ichi va'a ma.

Proverbios 13:25

Ñayii sa'a ja va'a ja ndaa ma chi ko ni'i i ja kaa i onde ndutu va'a chii i ma, vaa maa Su'si ma kua'a, kovaa ñayii so'o xeen kaa ma chi ko ka'ni ña'a i ja kaa i ma te ko kokon ko yichi i.

Proverbios 14:32

Ñayii sa'a ja u'vi ma chi kenda kivi ja onde andeya ma skana ya i ja sukan ni yo sa'a i ma, kovaa ñayii sa'a ja va'a ja ndaa ma chi visi na kûu i ma chi iyo ja va'a ndetu ña'a.

Proverbios 28:25

Ñayii kueñu ini ma chi sa'a i ja jin kanaa ñayii ma, kovaa ñayii kúkanu ini Su'si ma chi sa'a maa Su'si Iya Tátnuni ma ja ko ni'i ko tna'a i.

Proverbios 28:9

Ñayii ñatuu niniso'o‑ka tnu'u Su'si ma te ñatuu kúni‑ka i ja sa'a i sukan ká'an ma chi Su'si ma chi suni masu koniniso'o kuiti ya ja jikan‑ta'vi i ma.

Lucas 12:31

Ndijin, jin ndanduku ni xinañu'u kuiti‑ka sukan tátnuni Su'si ma ja jin sa'a ni ma, te ndaka cha'a, te kenda koo kuee‑ka ndi‑tna'a ka jiniñu'u ni ma.