Proverbios 10:28 - New Testament Psalms and Proverbs in Mixtec Magdalena Peñasco

²⁸ Ñayii ka sa'a ja va'a ja ndaa ma chi jin ni'i sii ini i ja ka ndetu i ma, kovaa ñayii ka sa'a ja u'vi ma chi visi iyo ja ka ndetu i ja jin ni'i i ma, kovaa masu jin ni'i i, vaa sani te jin naa.

Proverbios 10:28 ပူးပေါင်းရင်းမြစ်များ

Salmos 112:10

Te kuni ñayii sa'a ja u'vi ma, te ûni ndakiti xeen ini i, te ûni ndakaa ndi'i i nu'u i, te xnaa i maa i. Ja ñu'u ini ñayii sa'a ja u'vi ma ja sa'a i ma chi másu ko kuu sukan jani ini i ma.

Salmos 16:9

Te chukan kúu ja ni ndusii ini xeen ini anua sa ya, te ni kutachi xen‑xeen sa, te ndátatu ni‑ka'nu ni‑tu'u sa, vaa kúkanu ini xeen ña'a sa, te koteku sa ni‑kani ni‑jika, vi Su'si.

Salmos 68:4

Jin kata ni nuu Su'si ma. Jin kata ni salmo nuu ya, in yaa ja ká'an vivii ja kuu ya ma, te jin ndachiñu'u ni ya, vaa siki viko ma yoxtnee ya, te kua'an vee ya kúu ya andivi ma. Jin koo sii ini ni nuu ya, vaa suu ya kúu iya tátnuni nuu ndaka o.

Proverbios 11:23

Ja iyo ja jin ni'i ñayii ka sa'a ja va'a ja ndaa ma kúu ja jin koo va'a i, te ja ndetu ña'a ja jin ni'i ñayii ka sa'a ja u'vi ma kúu ja ndakiti ini Su'si ma nuu i.

Proverbios 11:7

Chukan kúu ja kivi kûu ñayii sa'a ja u'vi ma, te yukan‑ni, te ni ndi'i ja ni yo kukanu ini i ma, te sukan‑ni, te ni naa maa i ji'in ndaka ja ni yo ñu'u ini i ma.

Proverbios 14:32

Ñayii sa'a ja u'vi ma chi kenda kivi ja onde andeya ma skana ya i ja sukan ni yo sa'a i ma, kovaa ñayii sa'a ja va'a ja ndaa ma chi visi na kûu i ma chi iyo ja va'a ndetu ña'a.

Proverbios 29:6

Maa ja u'vi sa'a ñayii ndee ini ma, te nukun‑tuu ña'a i, kovaa ñayii sa'a ja va'a ja ndaa ma chi sii ini‑ni iyo i te sii ini‑ni jita i.

Romanos 12:12

Jín koo sii ini o ja ka ndetu o ja jin ni'i o ma, te jín kanda o ora ka ndo'o ka neni o ma, te jín kakan‑ta'vi jín kakan‑ta'vi o nuu Su'si ma.

Romanos 15:13

Te maa Su'si ma na sa'a ja jin kukanu ini o ya ma, te maa ya na sa'a ja jin koo sii ini xeen o te jin koo mani o, ja ka kandija o ya ma, sukan‑va'a ja maa tnu'u ndee tnu'u ndatnu Xtumani Ndios ma, te sa'a ya ja jin kukanu ini xeen‑ka o ja jin ni'i o ja taa ya ma.

Romanos 5:2

Te ja ni ka kukanu ini o ya a, te ja maa tna ya a, te ni kuu ni ka ndani'i o ja va'a ja vii ni skuta'vi ña'a Su'si ma, te suu kúu ja jin konukuiñi va'a o nuu ya. Te ûni ka kutachi xeen o ja ka ndetu o ja jin ni'i o jayiñu'u Su'si ma.

2 Tesalonicenses 2:16

Te maa Jesucristo iya tátnuni nuu o a, ji'in Yuva o Su'si ma, kúu iya ni kutoo ña'a. Te ni skuta'vi ña'a ya ja vii ja va'a sukan kútoo ña'a ya, te sukan ni ndaka'an‑mani ña'a ya ja jin koo va'a o ni‑kani ni‑jika, te jín kukanu ini o ya ja sukan ko kuu ja sa'a ya ma.