Proverbios 10:27 - New Testament Psalms and Proverbs in Mixtec Magdalena Peñasco

²⁷ Ñayii yu'u Su'si ma te ñatuu sa'a‑ka i ja u'vi ma chi kani kani koteku i, kovaa ñayii sa'a ja u'vi ma chi ndate'nde sava sukan iyo ja koteku i ma.

Proverbios 10:27 ပူးပေါင်းရင်းမြစ်များ

Salmos 21:4

Ni jikan‑ta'vi de nuu ni ja kani kivi koteku de, kovaa maa ni chi ni jiña'a ni de ja ni‑kani ni‑jika koteku de.

Salmos 55:23

Chukan kúu ja saña chi nuu maa in‑ni ni kukanu ini sa, vi Su'si. Kovaa maa ni, vi Su'si, chi skee ni ndaka ñayii ka sa'a ja u'vi ma yavi nuu jin koo i ja jin skenaa i maa i ma. Ndaka ñayii inundee xeen ini ma ji'in ñayii ka xnda'vi tna'a ma, másu kenda koo i sukan iyo ja jin koteku i ma chi xi'na‑ka jin kûu i.

Salmos 91:16

Te sa'a o ja koo sii ini i te koteku i kua'a xeen kivi ñuu ñayivi a, te kuni i ja ndimaa sa'a o ja kaku i nuu ja u'vi ma”, kúu ya ká'an ya.

Salmos 92:15

Te ja sukan ma, te ka kaxtnu'u i nuu ñayii ma ja Su'si Iya Tátnuni ma kúu iya wa'a tnu'u ndee tnu'u ndatnu ma iya sa'a ndaa sa'a ndija ma, te maa ya chi masu nde sa'a ndeva'a ya ñayii ma, vaa iya va'a ini kúu ya.

Proverbios 14:27

Sukan kúu nuu tóo kua'a ndute ma, sukan kúu ja koyu'u o Su'si ma te ma ko sa'a‑ka o ja u'vi ma, vaa sa'a ya ja koteku o, sukan‑va'a ma jin tu'va o nuu kûu o te skenaa o maa o ma.

Proverbios 28:18

Ñayii ñu'u kaji ñu'u va'a ini ma te sa'a i ja va'a ma chi kaku i nuu ja u'vi ma, kovaa ñayii so'o xeen kaa te sa'a ndeva'a i in‑ka ñayii ma chi sanaa sanaa‑ni kotuu i te skenaa i maa i sukan ni kuni i ja ndo'o neni in‑ka ñayii ma.

Proverbios 3:16

Nuna kandija o sukan ká'an tnu'u ndichi Su'si o ma chi sa'a i ja koteku kani o; te sa'a i ja ko ni'i ko tna'a o te ko jin ka'an vii jin ka'an va'a ñayii ma ja kuu o.

Proverbios 3:2

Vaa sukan, te koteku ro kua'a xeen kuiya, te koo sii ini xeen ro, te koo va'a ro.

Proverbios 9:11

Vaa nuna kandija o te sa'a o sukan ká'an tnu'u ndichi Su'si ma chi sa'a i ja koteku kani‑ka o ñuu ñayivi a.

Lucas 12:20

Kovaa Su'si ma, jiña'a ya: “Ñatuu jani va'a ini ni ja jani ini ni sukan. Vaa jakuaa vitna, te kûu ni, te ja ni tava'a ni a, ¿na in xi‑kuenda ko kuu?”