Proverbios 10:25 - New Testament Psalms and Proverbs in Mixtec Magdalena Peñasco

²⁵ Ñayii sa'a ja u'vi ma chi sukan‑ni yá'a tikachiyaa xeen ma sukan‑ni kúu i, vaa nunuu‑ni iyo i te náa i, kovaa ñayii sa'a ja va'a ja ndaa ma chi ni‑kani ni‑jika koteku i.

Proverbios 10:25 ပူးပေါင်းရင်းမြစ်များ

Salmos 125:1

Ñayii ka kukanu ini Iya Tátnuni ma chi sukan kúu yuku nani Sion ma ja núkuiñi vava'a i ni‑kani ni‑jika ma, sukan ka kuu ñayii yukan.

Salmos 15:5

Ñayii wanuu xu'un i ma, te masu kakan i sa'ya xu'un i ma, ni a masu nde wa'a i tnu'u ja jin ska'an ña'a ñayii ma ja sa'a ndeva'a i ñayii va'a ini ma. Ñayii sa'a ndaka sukan chi koo va'a i, te masu kotuu kuiti i nuu Su'si ma.

Salmos 58:10

Te ñayii sa'a ja va'a ja ndaa ma chi ndusii ini xeen i ja kuni i ja sukan ni ka ndani'i, ni ka ndatna'a maa ñayii ka sa'a ja u'vi ma. Te ûni jin chunee i ja'a i ma nuu ni jati niñi ñayii inuso'o ma.

Salmos 58:9

Te sanaa sanaa‑ni, te jín kayu jín koko i, sukan káyu tnu iñu ma, te sukan sa'a tachi yi'i ma ja ñú'u kua'an ñú'u vee i yutnu táva i ma, sukan na jin ndo'o tna ñayii ka sa'a so'o ma.

Proverbios 1:27

Te kivi kenda koo tnundo'o tnuneni xeen ma, sukan kénda tikachiyaa xeen ma ja ñú'u i ndaka nawa ní'i i ma,

Proverbios 10:30

Ñayii sa'a ja va'a ja ndaa ma chi konukuiñi va'a i nuu Su'si ma te masu nawa kundee ja kotuu i, kovaa ñayii ka sa'a ja u'vi ma chi masu kuu jin konukuiñi va'a i nuu Su'si ma ñuu ñayivi a.

Proverbios 12:3

Vaa ñayii sa'a ja u'vi ma chi masu kuu konukuiñi va'a i, kovaa ñayii sa'a ja va'a ja ndaa ma chi ni'i yo'o va'a i te konukuiñi va'a i nuu Su'si ma te masu na in xtuu ña'a.

Proverbios 12:7

Vaa Su'si ma chi sa'a ya ja ñayii ka sa'a ja u'vi ma chi jin naa i ve'e ke'e i ma, kovaa ñayii ka sa'a ja va'a ja ndaa ma chi ni‑kani ni‑jika jin koteku i ji'in sa'ya tata i ma.

Mateo 16:18

Te saña tna, ká'an sa ja ndijin kúu Pedro ma, te sukan kúu in toto ko kuu ni, te siki toto ma jin ndatna'a ñayii jin nduu sa'ya Su'si ma, te visi na jin kûu i ma, te masu nawa kundee ja sa'a ja jin koo ñayii ya'a nuu ka iyo ñayii ni ka ji'i te ni ka skenaa i maa i ma, su'va ñayii ya'a, jin ndateku i te jin koo i ji'in Su'si ma ni‑kani ni‑jika.

Efesios 2:20

Te sukan kúu in ve'e ka kuu o. Vaa Cristo ma kúu yuu kanuu‑ka ni keja'a ve'e ma, te tee ni tetniñu ya ma, ji'in tee ni ka yo ndakaxtnu'u tnu'u ni yo wa'a Su'si ma, ka kuu yuu ni ka jakoxtna'a siki yuu kanuu‑ka ma, te yo'o ka kuu yuu ni ka jakoxtna'a siki yuu jâ ka yoxtna'a ma.

1 Timoteo 6:19

Te sukan, te ka satu'va va'a i ja va'a jin ni'i i kivi ki'in o ma, te jin ndani'i ta'vi i te jin koteku i ni‑kani ni‑jika ma.

2 Timoteo 2:19

Kovaa Su'si ma chi jâ ni jani vava'a ya nuu jin koxtnee o ma ja ka kandija o ya ma, vaa onde xi'na‑ka ma jâ jini ya na in jin ko kuu sa'ya ya ma, vaa kuenda tnu'u ja ka yitnuni o nkuu, vaa sa'a ni ka'an ya ma: “Iya Tátnuni ma chi na'a ya na in ka kuu sa'ya maa ya ma”, te vaa: “Ndaka yo'o ja ka ndakune'e o Cristo ma na jin xndoo o ndaka ja u'vi ma, te máko jin ko sa'a‑ka o.”