Proverbios 10:2 - New Testament Psalms and Proverbs in Mixtec Magdalena Peñasco

² Nú nanimaa ja u'vi ma sa'a ñayii ma chi masu nawa chíndee ña'a i, kovaa nú nanimaa ja va'a ja ndaa ma na ko sa'a ñayii ma chi kaku i te ma skenaa i maa i.

Proverbios 10:2 ပူးပေါင်းရင်းမြစ်များ

Proverbios 11:4

Vaa kivi ndakan Su'si ma kuenda ma chi masu nawa chindee ña'a ja ni'i tna'a i ma ja kaku i, kovaa ñayii sa'a ja va'a ja ndaa ma chi maa ja sa'a ja kúu i ma sa'a ja kaku i te ma skenaa i maa i.

Proverbios 12:28

Ja ko sa'a o ja va'a ja ndaa ma chi kua'an o ichi nuu koteku o ni‑kani ni‑jika, te masu kûu o te skenaa o maa o.

Proverbios 13:11

Ñayii xnda'vi in‑ka ñayii ma te kúxiku i ma chi masu kunitnuni i te ndi'i xu'un i ma, kovaa ñayii satniñu ji'in nda'a i te kúu tava'a i xu'un i ma chi ndi‑vala ndi‑vala te kukua'a‑ka.

Proverbios 21:6

Ñayii ndimaa xnda'vi in‑ka ñayii ma te ve kuxiku i ma chi masu na'a‑ni te ndi'i kuiti ja neva'a i ma naa, sani te skenaa i maa i.

Romanos 2:5

Kovaa ja sukan ndee ini ni a te ñatuu ndákani ndáka'vi ini ni a, sa'a ni ja ndákiti xeen ini Su'si ma nuu ni, kivi kenda ja ndakan ndi'i ndakan tu'u ya kuenda nawa ni yo sa'a, ni yo kuu ni ma.

Romanos 5:21

Visi ni kundee ja u'vi ma ja jin kûu ñayii ma, kovaa maa Su'si ma, ni kundee ya, vaa ni kunda'vi ini ña'a ya ma, te ja maa Jesucristo iya tátnuni nuu o a, te ni skuta'vi ña'a ya ja vii ja va'a, sukan‑va'a jin ko kuu o ñayii jin ko sa'a ja va'a ja ndaa te jin koteku o ni‑kani ni‑jika.

Filipenses 3:9

Te vitna ja ni ndatna'a sa ji'in Cristo o ya, te jini sa ja tnu'u ni tatnuni Moisés ma, masu ni chindee ña'a i ja ko sa'a sa ja va'a ja ndaa nuu Su'si ma. Kovaa vitna ja kukanu ini sa Cristo o a, te maa Su'si ma sa'a ja kuu sa'a sa ja va'a ja ndaa sukan kúni ya a, vaa kándija sa ya.