Proverbios 10:15 - New Testament Psalms and Proverbs in Mixtec Magdalena Peñasco

¹⁵ Ñayii ndichi ma chi ja ni jani va'a ini i ma te ní'i tna'a i te iyo tu'va i te kúu yanduu i nuu tnundo'o kénda ma, kovaa ñayii kúnda'vi kúkee ma chi ja ñatuu ni jani va'a ini i kúu, te kundee maa tnundo'o ma nuu i.

Proverbios 10:15 ပူးပေါင်းရင်းမြစ်များ

Salmos 49:6

Vaa maa i chi ka kukanu ini i ndaka ja ka neva'a i ma, te ka kuvixi i ja kua'a xeen ja ka neva'a i ma.

Salmos 52:7

Jin konde'ya ni, te jin kuni ni ja sukan ni ndo'o tee ñatuu ni kukanu ini Su'si o ma ja suu ya sa'a ja kaku de ma te masu skenaa de maa de ma nkuu. Kovaa su'va nuu ja kua'a xen‑xeen ja ni yo ni'i ni yo tna'a de ma ni kukanu ini de, te ni yo jatanuu‑ka de ja u'vi ni yo sa'a de ma, te ni skenaa de maa de.

Proverbios 14:20

Ñayii kúnda'vi kúkee ma chi onde ñayii ka ka'an ja ka ketna'a ini ji'in i ma ka saxiko ña'a, kovaa ñayii kúxiku ma chi kua'a xeen ñayii ka ka'an ja ka ketna'a xeen ini i ji'in i,

Proverbios 18:11

Ñayii xiku ma chi kúkanu ini xeen i ja neva'a i ma, te jani ini i ja sukan kúu in ñuu nuu ndesi vava'a ni‑ka'nu yu'u ñuu ma ja ñatuu na in kuu kivi ma, sukan jani ini i ja kúu ja kúxiku i ma.

Proverbios 19:7

Nú ñayii kúnda'vi kúkee ma, te onde tna'a i ma ka saxiko ña'a, kuiti ka'vi‑ka jin sa'a ña'a ñayii ka ketna'a ini ji'in i ma, vaa visi na kakan‑ta'vi maa i nuu ñayii yukan ja jin chindee ña'a i, kovaa su'va jin kujika‑ka i jin koo i.

Marcos 10:24

Te ni ka sa'vi‑nka ini tee ka ndikin ya ma ja ni ka'an ya sukan ma, kovaa ni ndaka'an ya in‑ka jichi: ―‍Sa'ya sa, ¡naka yii kúu ja in ñayii xiku ma, te kuu kivi i nuu tátnuni Su'si ma, kuechi ja kukanu ini i ndaka ja neva'a i ma!

Lucas 12:19

Sani te ka'an o: Neva'a o kua'a xeen ndatniñu ni tava'a o a, jâ kanda i kua'a xeen kuiya. Ndátatu o, káa o, kó'o o, kóo sii ini o”, kúu de ká'an de.

1 Timoteo 6:17

Te tatnuni ni nuu ñayii ka kuxiku tiempu ya'a ja máko jin kani ini i ja maa i ka kuu‑ka ma, ni a jin kukanu ini i nuu xu'un i ma. Vaa xu'un ma chi ní'i o, te sani te ndí'i tuku maa i. Su'va jín kukanu ini i nuu Su'si iya téku ma ja maa ya kúu iya táa ndaka tu'u nawa neva'a o ma, te su'va kua'a‑ka taa ya, sukan‑va'a jin kuatniñu va'a o sukan kúni ya ja jin sa'a o ma, te jin koo sii ini o.