Proverbios 10:12 - New Testament Psalms and Proverbs in Mixtec Magdalena Peñasco

¹² Ñayii chú'un ini nawa ni sa'a ña'a in‑ka ñayii ma te suu‑ni suu‑ni ndákune'e i ma chi ñatuu kúu koo mani i, kovaa ñayii kútoo tna'a ndija ma chi kánda i nekanu ini i nawa ni sa'a ña'a maa in‑ka ñayii ma.

Proverbios 10:12 ပူးပေါင်းရင်းမြစ်များ

Proverbios 15:18

Ñayii yachi xeen ndákiti ini ma chi ja sa'a i kúu ja skanaa tna'a i, kovaa ñayii kuee ini ma chi sa'a i ja ka iyo mani ñayii ma.

Proverbios 16:27

Ñayii nanimaa ja u'vi ñu'u ini anua i ma chi ndimaa jani ini i naxe sa'a‑ka i ja u'vi ma, te sukan sa'a ñu'u káyu kóko ma ja xnaa ndi'i i nawa iyo nuu káyu ma, sukan ka kuu tnu'u ká'an i ma,

Proverbios 17:9

Ñayii sákanu ini ñayii ni sa'a ndeva'a ña'a ma chi ja ndúku i kúu ja koo mani i ji'in ñayii yukan, vaa kútoo i ñayii ma, kovaa ñayii nuu‑ni nuu‑ni ndákune'e i ja ni sa'a ña'a in‑ka ñayii ma chi masu kua'a‑ni, sani te masu na in ketna'a‑ka ini ji'in i.

Proverbios 28:25

Ñayii kueñu ini ma chi sa'a i ja jin kanaa ñayii ma, kovaa ñayii kúkanu ini Su'si ma chi sa'a maa Su'si Iya Tátnuni ma ja ko ni'i ko tna'a i.

Proverbios 29:22

Tee ndimaa ndákiti ini ma chi ndimaa ja kanaa de kúni de, kovaa ja sukan kúu de ma chi ndimaa jiso kuechi de.

Proverbios 30:33

vaa ja ndaa kúu ja ñayii káva nuu káva nuu lechi ma chi kúndee i sa'a i ja jáa mantequilla ma, te ñayii ju'ni ni'i xitni i ma chi sa'a i ja kee niñi xitni i ma, te ñayii skiti ini in‑ka ñayii ma chi ja sa'a i kúu ja jin kanaa jin kanaa‑ni ñayii ma.

Santiago 4:1

¿Naxe ka jani ini ni? ¿Ndenu kée ja ka ndakanaa o ji'in tna'a o ma? ¿Masu ja u'vi ka ñu'u ini anua o ma ka kuu ja ka ndaskanaa ña'a i ma?

Santiago 5:20

te jin kona'a ni ja nú na in sa'a ja ndakokuiñi ñayii ni ndakuiso kuechi ma ichi Su'si o a chi jâ ni kundee i ja ni kaku anua ñayii yukan, te ma skenaa i maa i ma, vaa jâ ni ndasakanu ini ña'a Su'si ma ndaka kuechi ni ndasa'a i ma.

1 Pedro 4:8

Te ûni jin kutoo tna'a ndija ni, vaa ja kútoo tna'a ndija o ma kúu ja sa'a ja kuu sakanu ini o ndeva'a‑ni nawa ka sa'a ña'a ñayii ma.