Proverbios 1:7 - New Testament Psalms and Proverbs in Mixtec Magdalena Peñasco

⁷ Vaa ja ko kuu o in ñayii ndichi ma chi xinañu'u kuiti ja koyu'u o Su'si ma, nasa ko sa'a o in ja masu jatna ini ya ma, te sukan, te ko kuu o in ñayii ndichi ndija, kovaa ñayii iyo neé janitnuni i ma chi ñatuu káchi i jaku'ni ini i sukan kúni Su'si ma, te saxiko i tnu'u ndichi ká'an ya ma.

Proverbios 1:7 ပူးပေါင်းရင်းမြစ်များ

Salmos 111:10

Ja ko kuu o in ñayii ndichi ma kúu ja koyu'u o Su'si Iya Tátnuni ma te máko ko sa'a‑ka o ja u'vi ma. Vaa ñayii kándija te sa'a i sukan tátnuni Su'si ma chi janitnuni va'a‑ka koneva'a i, te ko ndachiñu'u i Su'si ma ni‑kani ni‑jika.

Proverbios 1:22

“Ro'o suchi jaa, ja ñatuu jin kuni‑ka ro naxe jin ko kuu ro a, ¿na saa‑ka kivi jin ko kuu ro sukan‑ni, ja ndimaa ka jakundee ro ñayii ka sa'a ja va'a ma, te ka saxiko ro ja va'a iyo ja jin kutu'va ro ma?

Proverbios 15:32

Ñayii ñatuu jan‑ta'vi ja ka ndaka'an‑so'o i nuu i ma chi ñatuu kútoo i maa i ja sukan sa'a i ma, kovaa ñayii jan‑ta'vi ma chi su'va kútu'va‑ka i naxe ko sa'a ko kuu i ma.

Proverbios 15:33

Nú jan‑ta'vi o ja ka ndaka'an‑so'o i nuu o ma chi jayiñu'u Su'si ma kúu, vaa jandetu o nuu ya ma, vaa nuna kava kuee ini o te kani ini o ja maa Su'si ma sana kuu nawa sa'a o ma chi koo jayiñu'u o.

Proverbios 15:5

Suchi so'o xeen kaa ma chi saxiko i tnu'u ndáka'an‑so'o yuva i ma nuu i ma, kovaa suchi jan‑ta'vi ma chi káxtnu'u i ja suchi jáku'ni ini kúu i te ko kuu i in ñayii ndichi.

Proverbios 18:2

Ñayii so'o xeen kaa ma chi ñatuu nde ndí ini i naxe jakun‑tnuni‑ka ini i te ko kuu i in ñayii ndichi ma, yika‑ni ja nde a jini i ma te kúvixi i.

Proverbios 2:5

sani te jaku'ni ini ro nawa kúni Su'si ma ja ko sa'a ro ma, te jaku'ni ini ro ja jiniñu'u ja koyu'u ro Su'si ma, vaa iya ndákan kuenda kúu ya ma.

Proverbios 23:9

Te máko ko ndaka'an ko ndakachi ni nuu ñayii so'o xeen kaa i ma, vaa masu ke'en kuenda i chi su'va jakundee ña'a i ndaka tnu'u va'a tnu'u ndichi kuña'a ni ma.

Proverbios 9:10

Vaa ja ko kuu o in ñayii ndichi ma chi xinañu'u kuiti‑ka ja koyu'u o Su'si ma te másu ko sa'a o ni‑in ja u'vi te sukan te ko kuu o in ñayii ndichi. Te nuna jin kutu'va o ja jin ko sa'a o sukan ká'an Su'si o iya ñatuu na u'vi sa'a ya ma chi jin ndani'i o janitnuni va'a te jin ni'i ini o nawa jin ko sa'a o.

Romanos 1:28

Te kuechi ja ñatuu ka kandija i Su'si ma, te ni sa'a ya ja janitnuni i ma ni ka nduneé, ni ka ndu‑uun‑nka, te ñatuu nde ka ndasa'a i kuenda ja masu nde jiniñu'u ndaka ja ka sa'a i ma.