Proverbios 1:32 - New Testament Psalms and Proverbs in Mixtec Magdalena Peñasco

³² Chukan kúu ja ñayii ndee xeen ini i ma, te ñatuu kúni i kuan‑ta'vi i tnu'u ndichi ká'an Su'si ma te sa'a i sukan kúu ini maa i ma chi kundee maa ja u'vi ni yo sa'a i ma xnaa ña'a i te kûu i.

Proverbios 1:32 ပူးပေါင်းရင်းမြစ်များ

Salmos 69:22

Te ne'un viko ka sa'a i ma, ja ka jani ini i ja va'a xeen kúu ma, te na jin ndani'i jin ndatna'a maa i ja u'vi ka sa'a ka kuu i ma.

Proverbios 1:22

“Ro'o suchi jaa, ja ñatuu jin kuni‑ka ro naxe jin ko kuu ro a, ¿na saa‑ka kivi jin ko kuu ro sukan‑ni, ja ndimaa ka jakundee ro ñayii ka sa'a ja va'a ma, te ka saxiko ro ja va'a iyo ja jin kutu'va ro ma?

Proverbios 10:21

Ja ka ka'an ñayii ka sa'a ja va'a ja ndaa ma chi skaka ichi i kua'a ñayii ichi va'a ma, kovaa ñayii so'o ñayii ndee ini ma chi ka skenaa i maa i ja ñatuu ka jaku'ni ini i ja jin sa'a i ja va'a ma.

Proverbios 14:16

Ñayii ndichi ma chi xndoo i ja u'vi ma te ñatuu nde sa'a‑ka i, vaa yu'u i Su'si ma ja ndakan ya kuenda nuu i ma, kovaa ñayii so'o xeen kaa i ma chi masu ndí ini kuiti i nawa sa'a i ma, te ndito ndito‑ni na'a ja vixi xeen kaa i kúu ma.

Proverbios 2:18

Chukan kúu ja tee tnii ichi ja ki'in de ve'e ña'a yukan ma chi kuenda tnu'u ja ni tnii ichi maa de kua'an de ichi nuu kûu de ma kúu.

Proverbios 5:22

Vaa kona'a ro ja ñayii sa'a ja u'vi ma chi maa ja u'vi ni sa'a i ma ndatnii vava'a ña'a te konu'ni vava'a maa i, te kondiso maa i kuechi i ma.

Proverbios 8:36

Kovaa ñayii saxiko tnu'u ndichi a chi sa'a u'vi maa i ini anua i ma, te ja ni'i i kúu ja kûu i te skenaa i maa i ma.” Sa'a ká'an tnu'u ndichi Su'si ma.

Proverbios 8:5

Jin jaku'ni ini ndaka ndijin ja ka iyo neé ka iyo su'va‑ni ni a, ndijin ja inundee xeen ini ni ja jin jaku'ni ini ni tnu'u ndichi a te jin ni'i ini ni naxe jin ko sa'a jin ko kuu ni ma.

Proverbios 9:18

Kovaa ñatuu ka jini suchi ka kandija ja ká'an ña ma ja ve'e ña ma kúu nuu jin kûu i te jin skenaa i maa i ma, vaa ndaka suchi ka kivi koo ve'e ña ma chi kuenda tnu'u ja onde nuu kunu‑ka andeya ma ka ñunee i.

Juan 3:36

Nú na in kandija Sa'ya ya ma, te koteku i ni‑kani ni‑jika, kovaa nú na in ñatuu kúni kandija i Sa'ya ya ma, masu koteku i, su'va ndetu ña'a nuu ndo'o neni i ma.

Hebreos 12:25

Jín ko koto va'a o maa o, nasa jin saxiko o iya ká'an nuu o a. Vaa ñayii ni ka saxiko ja ni ndaka'an‑so'o Su'si ma nuu i ñuu ñayivi a chi ñatuu ni ka kaku i. Te yo'o tna, nuna jin saxiko o iya iyo onde andivi ma, ja ndáka'an‑so'o ya nuu o a, chi kuiti masu jin kaku o.

Hebreos 12:8

Vaa sukan sa'a tna Su'si ma ji'in ndaka sa'ya ya ma. Te nú masu sukan sa'a ya ji'in ni ma chi masu sa'ya ya ka kuu ni, te ¿na in kúu yuva ni ma?

Santiago 5:5

Ni ka iyo sii ini ni nuu ñu'ú ya sukan ka kuni ni. Ni ka xneñu ni maa ni sukan in kiti ndetu ti kivi kûu ti ma, te jâ ni kenda kivi yukan.