Proverbios 1:23 - New Testament Psalms and Proverbs in Mixtec Magdalena Peñasco

²³ Va'a‑ka jin ndasa'a kuenda tna'a ja ndáka'an‑so'o ri nuu ro a, sukan‑va'a ru'u ya chi kaxtnu'u ri ndaka ja va'a jani ini ri ja jin kuu ro ma.

Proverbios 1:23 ပူးပေါင်းရင်းမြစ်များ

Salmos 145:1

Ndimaa ndaka'an ndakachi sa ja maa ni kúu Rey tátnuni, vi Su'si, te ni‑kani ni‑jika ndachiñu'u ña'a sa.

Proverbios 1:25

kovaa ro'o chi ni ka saxiko ro tnu'u va'a ká'an káchi ri nuu ro ma. Visi ká'an ri ja masu va'a‑ni ka sa'a ro ma, kovaa masu nde ni ka ndasa'a ro kuenda te jin kuan‑ta'vi ro.” Sa'a ká'an tnu'u ndichi Su'si ma.

Proverbios 1:30

“Te ja sukan ñatuu ni ka kandija ro tnu'u va'a ká'an káchi ri nuu ro ma te ni ka saxiko ro ndaka ja ndáka'an‑so'o ri nuu ro ma,

Proverbios 10:17

Ñayii sa'a sukan ká'an káchi tnu'u ndichi ma chi kua'an i ichi nuu koteku i ma, kovaa ñayii ñatuu niniso'o ja ká'an káchi tnu'u ndichi ma chi kua'an i ichi nuu skenaa i maa i.

Proverbios 12:1

Ñayii jan‑ta'vi ja ka ndaka'an so'o ñayii ma naxe ko sa'a ko kuu i ma chi ñayii ndichi kúu i, kovaa ñayii saxiko ja ka ndaka'an so'o ñayii ma nuu i ma chi in ñayii so'o kúu i te ñatuu ndása'a i kuenda i ma.

Proverbios 29:1

Ñayii ndee ini ma, te nuna ndaka'an‑so'o o nuu i ma, te su'va sa'a ndee‑ka i ini i ma chi sanaa sanaa‑ni, te kenda in tnundo'o nuu i ma, te ni ma nduva'a‑ka i.

Proverbios 6:23

Vaa tnu'u tátnuni ri a chi kuenda tnu'u ja in ñu'u ndú'va kúu i, te ja káxtnu'u ri a chi xtnuu i nuu ro sukan kúu ñu'u ndú'va ma, te ja ndáka'an‑so'o ri nuu ro ja ndákani ichi ña'a ri a chi sa'a i ja koteku ro,

Lucas 11:13

Vaa nú ndijin ja masu inuva'a ini ni ma, te ka jini ni jin kua'a ni ja va'a sa'ya ni ma, ¡nde‑ka tu ja Yuva o iya va'a ini ma iya iyo onde andivi ma chi skuta'vi ña'a ya Xtumani Ndios ma ndaka ñayii kakan Xtumani Ndios ma! ―‍kúu ya jiña'a ya.

Juan 7:39

Te sa'a ni ka'an Jesús ma siki Xtumani Ndios ma iya jin ni'i ñayii ka kandija Jesús ma, vaa Jesús ma, ñatuu ndaa‑ka ya ja jin ndachiñu'u i ya ma. Chukan kúu ja ñatuu kii‑ka Xtumani Ndios ma.

Hechos 26:20

Te ni keja'a sa xinañu'u‑ka ñuu Damasco ma, sani te ñuu Jerusalén ma ji'in ni‑ka'nu ñuu Judea ma. Sani te ni ja'an sa nuu ñayii masu judío ka kuu i ma, ni jan kaxtnu'u sa ja jín ndakani jín ndaka'vi ini i, te jín ndakokuiñi i nuu Su'si ma, te jín sa'a i ja va'a ja ndaa ma, te sukan jín kaxtnu'u i ja jâ ni ka ndakani, ni ka ndaka'vi ini ndija i.

Hechos 3:19

Chukan kúu ja jin ndakani jin ndaka'vi ini ni, te jin xndoo ni ja u'vi ka sa'a ni ma, te jin ndandikin ni Su'si ma, te jin kandija ni ya, sukan‑va'a maa ya na xnaa kuechi ni ma. Sani te maa Iya Tátnuni ma sa'a ja kenda kivi ja jin ndusii ini ini anua ni a.