Proverbios 1:22 - New Testament Psalms and Proverbs in Mixtec Magdalena Peñasco

²² “Ro'o suchi jaa, ja ñatuu jin kuni‑ka ro naxe jin ko kuu ro a, ¿na saa‑ka kivi jin ko kuu ro sukan‑ni, ja ndimaa ka jakundee ro ñayii ka sa'a ja va'a ma, te ka saxiko ro ja va'a iyo ja jin kutu'va ro ma?

Proverbios 1:22 ပူးပေါင်းရင်းမြစ်များ

Salmos 1:1

¡Naka vii naka va'a kúu ñayii ja ñatuu jika i ichi ka jika ñayii ka sa'a ja masu játna ini Su'si ma, ni a jínkuiñi i ichi nuu ka iyo ñayii ka sa'a ja u'vi ma, ni a jínkoo i nuu ka nukoo ñayii ka jakundee ñayii ka sa'a ja va'a ma!

Salmos 94:8

Ndijin ja ka kuu ni ñayii inundee xeen ini a te ka kuneé ka ku‑uun ni a, jin jaku'ni ini ni te jin ndasa'a ni kuenda. ¿Te onde na saa‑ka kivi, sana jin jaku'ni ini ni?

Proverbios 1:21

Ji'in nuu ka ndatna'a kua'a‑ka ñayii ma kuenda tnu'u ja káyu'u káyu'u tnu'u ndichi ká'an Su'si ma:

Proverbios 1:29

Vaa maa ro ni ka saxiko tnu'u ndichi ká'an ri ma te ñatuu ni ka ndi ini ro ja jin koyu'u ro Su'si Iya Tátnuni nuu ro a, ja iya ndákan kuenda kúu ya.” Sa'a ká'an tnu'u ndichi Su'si ma.

Proverbios 1:32

Chukan kúu ja ñayii ndee xeen ini i ma, te ñatuu kúni i kuan‑ta'vi i tnu'u ndichi ká'an Su'si ma te sa'a i sukan kúu ini maa i ma chi kundee maa ja u'vi ni yo sa'a i ma xnaa ña'a i te kûu i.

Proverbios 1:4

Te tnu'u ndichi ya'a chi sa'a i ja suchi jaa ñatuu jin ni'i ini‑ka i naxe jin ko sa'a jin ko kuu i ma ja jin jakun‑tnuni ini i, te jin ndasa'a i kuenda naxe jin ko sa'a jin ko kuu tna i ja va'a ma ne'un ñuu ñayivi a.

Proverbios 1:7

Vaa ja ko kuu o in ñayii ndichi ma chi xinañu'u kuiti ja koyu'u o Su'si ma, nasa ko sa'a o in ja masu jatna ini ya ma, te sukan, te ko kuu o in ñayii ndichi ndija, kovaa ñayii iyo neé janitnuni i ma chi ñatuu káchi i jaku'ni ini i sukan kúni Su'si ma, te saxiko i tnu'u ndichi ká'an ya ma.

Proverbios 14:6

Ñayii ká'an ndeva'a ja kuu in‑ka ñayii ma chi visi na ndanduku i tnu'u ndichi ma, kovaa masu ndani'i i, kovaa ñayii jáku'ni ini te ndása'a i kuenda ma chi masu yii ja ndani'i i tnu'u ndichi ma.

Proverbios 15:12

Ñayii so'o xeen kaa ma chi ñatuu játna ini i ñayii ndáka'an‑so'o nuu i ma, te ká'an yichi‑ni i ñayii yukan, te ni ñatuu kúni i ja ndatna'a i ji'in ñayii ndichi ma.

Proverbios 19:29

Jâ iyo tu'va ja jin ndo'o jin neni ñayii ka jatna ini ja ma jin ka'an ndaa i ma, te suni jâ iyo tu'va yutnu xii ja jin ndo'o jin neni ñayii inundee ini ma.

Proverbios 21:11

Suchi ñatuu ka jandetu nuu yuva i ma te káni de i ma chi jin kuni jaku‑ka i ma te jin koyu'u i, te ma jin sa'a‑ka i ja u'vi ma, vaa suchi ndichi ma chi ndaka ja na ndaka'an‑so'o o nuu i ma, sani te jaku'ni ini i ja sa'a i ja va'a ma.

Proverbios 21:24

Ñayii kúvixi maa i ja maa i kúu‑ka ma chi kúneé kú‑uun‑ni maa i, vaa ñayii ndee ini kúu i.

Proverbios 22:3

Ñayii ndichi ma chi nú jini i ja iyo yika i ma chi su'va jikayata i, kovaa ñayii ñatuu jáku'ni ini ma chi yituu yine'e i te onde ni'i maa i ja u'vi sa'a ja ndo'o neni i ma.

Proverbios 3:34

Ja ndaa ndija ja sukan sa'a ya ji'in ñayii ka ka'an yichi ka ka'an su'va‑ni i tnu'u ká'an ya ma, kovaa ñayii ka ka'an ja masu nawa kuu jin sa'a maa i ma nú masu ja onde ja maa ya ma sana kuu nawa jin sa'a i ma chi skuta'vi ya i ja vii ja va'a.

Proverbios 5:12

Te ndaka'an ro: “Nava'a ni saxiko o tnu'u ndichi ni ka yo ka'an i nuu o ma, te naku ñatuu ni jan‑ta'vi ini anua o a ja ni ka yo ndaka'an so'o i nuu o ma,

Proverbios 6:9

Kovaa ro'o ñayii kuxi, ¿na saa‑ka kivi kavatuu kavatuu‑ni ro, te na saa‑ka kivi sana ndoto ro ja kixi kixi‑ni ro a?

Proverbios 7:7

te ni jini ri ja ne'un suchi jaa suchi ñatuu ka jaku'ni ini tnu'u ndichi ma, te iyo in i ja ka'vi‑ka kuu i sana ndaka‑ka i ma,

Proverbios 8:5

Jin jaku'ni ini ndaka ndijin ja ka iyo neé ka iyo su'va‑ni ni a, ndijin ja inundee xeen ini ni ja jin jaku'ni ini ni tnu'u ndichi a te jin ni'i ini ni naxe jin ko sa'a jin ko kuu ni ma.

Mateo 17:17

Jesús ma, ni ndakone'e ya: ―‍¿Nava'a ñatuu ka kukanu ini ña'a ni, te so'o xeen ka ndaa ni? ¿Na saa‑ka kii jiniñu'u ja koo sa ji'in ni? ¿Te na saa‑ka kii kanda sa ja sukan ka kuu ni a? Ki xsia'a ni suchi yukan ―‍kúu ya jiña'a ya.

Mateo 23:37

’¡Ñayii ñuu Jerusalén, ñayii ñuu Jerusalén, ja ka wa'a‑yuu ni tee ka ndakaxtnu'u tnu'u ni wa'a Su'si ma onde ka ja'ni ni de! ¡Te suni sukan ka sa'a ni ji'in ñayii ni tetniñu ya nuu ni ma! ¡Na saa jichi ni kuni sa ja ndaxtutu ña'a sa, sukan ndáxtutu tila ma chili ti ma chii ndijin ti ma! Kovaa ñatuu ni ka kuni ni.

Mateo 9:13

Kuán koo ni, te jin skua'a ni nawa kúni ka'an tnu'u Su'si a nuu ká'an ma: “Masu kúni sa ja jin ka'mi ni kiti jin ndataa ni nuu sa, su'va ja kúni sa kúu ja na jin kunda'vi ini ni tna'a ni ma.” Te saña chi masu vee sa ja ndakana sa ñayii ka jani ini ja ñayii ka sa'a ja va'a ja ndaa ka kuu i ma, chi vee sa ja ndakana sa ñayii ka ndakunitnuni i ja ka ndiso kuechi i ma ―‍kúu ya jiña'a ya.

Lucas 19:42

te ká'an ya: ―‍¡Nute ni ka jaku'ni ini ni, visi ja vitna, sukan sa'a sa ja jin koo va'a ni ma! Kovaa vitna chi iyo yu'u, te masu kuu jin kuni ni.

Juan 3:20

Vaa ndaka ñayii ka sa'a ja u'vi ma, ñatuu ka jatna ini i nuu xtnuu ya ñu'u maa ya ma, te ñatuu kí koo i nuu xtnuu ya ñu'u maa ya ma, sukan‑va'a ñatuu na in ko ndakuña'a ja ja u'vi kúu ja ka sa'a i ma.

2 Pedro 3:3

Te chukan kúu ja xinañu'u kuiti‑ka káxtnu'u sa sa'a, vaa kivi ve kuyatni ja ndii Iya Tátnuni ma, kenda koo tee ka sa'a sukan ka kuni maa de ma, te jin jakundee ña'a de.

Apocalipsis 22:17

Te Xtumani Ndios ma, ji'in ñayii ka ndachiñu'u Su'si ma, ja jin ndatna'a i ji'in ya sukan ka ndatna'a suchi jin tnanda'a ma, sa'a ka ka'an i ji'in ya nuu ñayii ma: ―‍Ne'e ni. Te nú na in kuniso'o, te ká'an tna i nuu ñayii ma: ―‍Ne'e ni. Te nú na in yíchi ndute, te kíi i, te nú kúni i, te kó'o i ndute sa'a ja koteku i ma, te masu nawa chuya'vi i.