Proverbios 1:10 - New Testament Psalms and Proverbs in Mixtec Magdalena Peñasco

¹⁰ Sa'ya maa ri, nú ñayii ka sa'a ja u'vi ma, ka kuni i ja jin xnda'vi ña'a i ja sa'a ro sukan ka kuni i ma, ¡máko kua'a ro tnu'u ja ko sa'a ro sukan ka sa'a i ma!

Proverbios 1:10 ပူးပေါင်းရင်းမြစ်များ

Salmos 1:1

¡Naka vii naka va'a kúu ñayii ja ñatuu jika i ichi ka jika ñayii ka sa'a ja masu játna ini Su'si ma, ni a jínkuiñi i ichi nuu ka iyo ñayii ka sa'a ja u'vi ma, ni a jínkoo i nuu ka nukoo ñayii ka jakundee ñayii ka sa'a ja va'a ma!

Salmos 50:18

Te nú jini ni ñayii sakui'na ma chi jinu ni kua'an ni sakui'na ni ji'in i, te suni kétna'a ini ni ji'in ñayii ka kivi nduu ji'in in‑ka ñayii masu ni tnanda'a ji'in i ma.

Proverbios 13:20

Ñayii ndikin tna'a ji'in ñayii ndichi ma chi ñayii ndichi ko kuu tna i, kovaa ñayii ndikin tna'a ji'in ñayii inuso'o xeen ka ndaa ma chi ko kuu tna i sukan te skenaa tna i maa i.

Proverbios 16:29

Ñayii nde'e xeen kaa ini ma chi xnda'vi i in‑ka ñayii ma te skaka i ñayii ma ichi u'vi ma,

Proverbios 20:19

Ñayii tnu'u ma chi masu kuu kukanu ini o i chi ndi'i kuiti ndáxtuu i kua'an i ma, chukan kúu ja masu kuu ketna'a ini o ji'in ñayii masu kutu yu'u i ma.

Proverbios 24:2

vaa ini anua i ma chi nanimaa ja jin sakui'na i xi jin sa'a ndeva'a i ka ñu'u ini i, te ndimaa tnu'u ndeva'a ka ka'an i.

Romanos 16:18

Vaa ñayii yukan chi masu ka jinukuechi i nuu Jesucristo iya tátnuni nuu o a, nú masu ja ka ndi ini i kúu ja jin ni'i i ja jin ku'un chii i ma‑ni. Te vivii ka ka'an i, te ka xnda'vi i ñayii ñatuu ka ndasa'a kuenda ma.

Efesios 5:11

Te másu ko jin ko sa'a ni ja ka sa'a ñayii ka iyo nee janitnuni i ma, vaa masu nde jiniñu'u ja ka sa'a i ma. Su'va jin ndaka'an‑so'o ni nuu i.