Mateo 7:7 - New Testament Psalms and Proverbs in Mixtec Magdalena Peñasco

⁷ ’Jin kakan‑ta'vi ni nuu Su'si ma, te taa ya. Jin nduku ni, te jin ni'i ni. Jin skajan ni ye'e ma, te ndanune, te kuu jin kivi koo ni.

Mateo 7:7 ပူးပေါင်းရင်းမြစ်များ

Salmos 10:17

Iya Tátnuni, koniniso'o ni ndaka ja ka jikan‑ta'vi ñayii nda'vi ma, vaa maa ni sa'a ja ka ndusii ini ini anua i ma, te katanuu ni ja ka ka'an i ma.

Salmos 10:4

Ñayii sa'a ja u'vi ma, ja jani ini i ja maa i kúu‑ka ma, ká'an i ja ñatuu na Su'si ma iyo. Va ni a vala masu nde ndakune'e i Su'si ma ndaka ja jani ini i ma.

Salmos 119:12

Iya va'a iya vii ini kúu ni, vi Su'si Iya Tátnuni. Kúni sa ja sa'a ni ja jaku'ni ini sa ndaka sukan tátnuni ni ja ko sa'a ko kuu sa ma.

Salmos 27:8

Vaa ini anua sa ya sa'a ká'an: “Va'a‑ka ja na ndanduku o Su'si ma”, kúu sa ká'an sa. Te chukan kúu ja ndánduku ña'a sa a, vi Su'si Iya Tátnuni.

Salmos 34:4

Ni ndanduku sa Iya Tátnuni ma, te ni jiniso'o ya ja ni jiña'a sa ma, te ni sa'a ya ja ni kaku sa nuu ndaka ja ni yo yu'u sa ma.

Salmos 37:4

Te koo sii ini ni ja iyo ni ji'in Iya Tátnuni ma, te maa ya taa ndaka nawa jikan‑ta'vi ni nuu ya ma, ndaka ja ñu'u ini ni ja sa'a ni ma.

Salmos 50:15

Te jin ndakune'e ña'a ni kivi kénda tnundo'o tnuneni nuu ni ma te ñatuu ka ni'i ini‑ka ni nawa jin sa'a ni ma, te saña chi chindee ña'a sa ja vivii jin yanduu jin yandoso ni nuu tnundo'o yukan ma, sani te maa ni chi jin ndachiñu'u ña'a ni”, kúu ya ká'an ya.

Salmos 69:32

Nuna jin kuni ñayii ka ndo'o ka neni ma ja sukan sa'a ni ja kuu sa a chi jin ndusii ini i, te jin ndatnii i tnu'u kanu ini, vaa ka ndanduku i maa ni, vi Su'si.

Salmos 70:4

Kovaa ndaka ñayii ka ndanduku ña'a i ndijin ma, vi Su'si, chi jin koo sii ini xen‑xeen i. Te ndaka ñayii ka kuni ja sa'a ni ja jin kaku i nuu ja u'vi ma, ndimaa jin ka'an i: “Su'si o a, iya ka'nu xeen kúu ya”, jin ka'an i.

Salmos 86:5

Vaa maa ni chi iya va'a ini kúu ni, vaa sákanu ini ni na kuechi ñayii ma, te ka'nu xeen ini ni, te kúnda'vi ini xeen ni ndaka ñayii ka ndakune'e ña'a ma.

Proverbios 8:17

Ñayivi ni‑yu'u ni‑ini i ndánduku ña'a i ma, ji'in suchi jaa ka ndanduku ña'a ma chi jin ndani'i yachi‑ni ña'a i.

Mateo 18:19

In‑ka jichi ká'an sa, nú uu ñayii jin ndatnu'u tna'a nuu ñu'ú ya nde a jin kakan i ma, chi jin ni'i i ja maa Yuva sa iya iyo onde andivi ma.

Mateo 21:22

Te ndaka ja jin kakan‑ta'vi ni nuu Su'si ma, te nú ka kukanu ini ndija ni ya ja taa ya ma chi jin ni'i ni ―‍kúu ya jiña'a ya.

Mateo 6:33

Ndijin, jin ndanduku ni xinañu'u kuiti‑ka sukan tátnuni Su'si ma, ji'in sukan sa'a ndaa ya ma, te ndaka cha'a, te kenda koo kuee‑ka ndi‑tna'a ka jiniñu'u ni ma.

Mateo 7:11

Vaa nú ndijin ja masu inuva'a ini ni ma, te ka jini ni jin kua'a ni ja va'a sa'ya ni ma, ¡nde‑ka tu ja Yuva o iya iyo onde andivi ma, ûni skuta'vi ya ja va'a ndaka ñayii kakan nuu ya ma!

Mateo 7:8

Vaa nú na in jikan ma chi ni'i i. Te ñayii ndúku ma chi ni'i i. Te ñayii skajan ma, te ndanune ye'e ma, te ni'i i ja kúni i ma.

Marcos 11:24

Chukan kúu ja ká'an sa, ndaka ja jin kakan‑ta'vi ni nuu Su'si ma, te nú ka kukanu ini ni ya ja taa ya ma chi jin ni'i ni.

Lucas 13:25

Vaa nuna ndokuiñi iya xi‑ve'e ma, ja ndakasi ya ye'e ma, nde ni ja ni ka kendoo ichi ke'e ma, jin skajan jin skajan ni, te jin kuña'a ni: “Señor, ndakune ni ye'e a.” Kovaa ndakone'e ya: “Masu jini sa ndenu ve koo ni.”

Lucas 18:1

Jesús ma, ni ka'an ya in tnu'u vijin, sukan‑va'a jin kutu'va de ja ndimaa jin kakan‑ta'vi de, te máko jin kuñaña de,

Juan 15:16

Ndijin, masu ni ka kaji ña'a ni ja jin kondikin ña'a ni, su'va maa sa ni kaji ña'a. Te ni sacargu ña'a sa ja jin koo ni te jin kaxtnu'u ni tnu'u tátnuni sa a, te jin ko sa'a ni ja vii ja va'a, sukan‑va'a ja vii ja va'a yukan koo ni‑kani ni‑jika. Chukan, te Yuva sa ma chi taa ya ndaka ja jin ko kakan ni ja maa sa ma.

Juan 15:7

’Nú ndijin, te jin koo jin koo‑ni ni ji'in sa, te nú jin ku'un jin ku'un‑ni ini ni tnu'u ká'an sa a, te jin kakan ni nawa ka kuni ni ma chi jin ni'i ni.

Juan 4:10

Jesús ma, ni ndakone'e ya: ―‍Nute kuni ni nawa kúu ja taa Su'si ma, te nute kuni ni na in kúu ja jikan ndute nuu ni a chi maa ni kakan ndute ko'o ni, te taa ya ndute sa'a ja koteku ñayii ma ―‍kúu ya jiña'a ya.

Romanos 2:7

Nde o ka ndi ini ja jin ndani'i ta'vi o te jin koteku o ni‑kani ni‑jika ma, te jin ni'i o jayiñu'u nuu Su'si ma te ka'an ya ja ja vava'a kúu ja ni ka sa'a, ni ka kuu o ma, nuna jin ku'un ini o ja jin ko sa'a o ja va'a ja ndaa ndija nuu ya ma, te jin ni'i o ndaka cha'a te jin koteku o ni‑kani ni‑jika ma.

Romanos 3:11

Ni a in ñayii jáku'ni ini. Ñatuu na in ndánduku Su'si ma.

Hebreos 11:6

Vaa nú masu kúkanu ini o Su'si ma chi masu játna ini ya ja sukan sa'a o ma. Vaa nú na in kúni ja jin tu'va i Su'si ma chi jiniñu'u ja kandija i ja iyo Su'si ma te suu ya yinda'a ja skuta'vi ya ndaka ñayii jin ndanduku i ya ma.

Santiago 5:15

Te nú ûni ka kukanu ini i Su'si ma ora ka jikan‑ta'vi i nuu ya ma, te ñayii ku'u ma chi nduva'a i, te maa Iya Tátnuni ma, ndone'e ya i. Te nú ni jiso kuechi i, te ndasakanu ini ya kuechi i ma.

1 Juan 3:22

te maa ya taa ndaka nawa kakan o ma, vaa ka kandija o ja tátnuni ya ma, te ka sa'a o ja játna ini ya ma.