Mateo 7:24 - New Testament Psalms and Proverbs in Mixtec Magdalena Peñasco

²⁴ ’Ndeva'a‑ni na in na koniniso'o tnu'u ya'a te sa'a i sukan ká'an sa a, te ká'an sa ja ñayii jani va'a ini kúu i, sukan kúu in tee sa'a ve'e de siki nuu toto ma, sukan kúu i.

Mateo 7:24 ပူးပေါင်းရင်းမြစ်များ

Salmos 111:10

Ja ko kuu o in ñayii ndichi ma kúu ja koyu'u o Su'si Iya Tátnuni ma te máko ko sa'a‑ka o ja u'vi ma. Vaa ñayii kándija te sa'a i sukan tátnuni Su'si ma chi janitnuni va'a‑ka koneva'a i, te ko ndachiñu'u i Su'si ma ni‑kani ni‑jika.

Salmos 119:130

Vaa nute jin kachi ndaka ñayii ma ja jin koniniso'o i sukan ká'an tnu'u maa ni a chi ûni ndaxtnuu vava'a i nuu ñayii ma, vaa vivii sa'a i ja ka jaku'ni ini ñayii ka ndasa'a kuenda ja ka jiniñu'u i Su'si ma.

Salmos 119:99

Te ni jaku'ni‑ka ini sa sana ndaka‑ka ñayii ka skua'a ña'a ma, vaa ñu'u xeen ini sa tnu'u tátnuni ni ma.

Proverbios 10:25

Ñayii sa'a ja u'vi ma chi sukan‑ni yá'a tikachiyaa xeen ma sukan‑ni kúu i, vaa nunuu‑ni iyo i te náa i, kovaa ñayii sa'a ja va'a ja ndaa ma chi ni‑kani ni‑jika koteku i.

Proverbios 10:8

Ñayii iyo tnu'u ndichi ini anua i ma chi jan‑ta'vi i te kándija i tnu'u ni tatnuni Su'si ma, kovaa ñayii ndee ini ma te ndimaa ndákone'e xiko i ma chi skenaa i maa i.

Proverbios 12:7

Vaa Su'si ma chi sa'a ya ja ñayii ka sa'a ja u'vi ma chi jin naa i ve'e ke'e i ma, kovaa ñayii ka sa'a ja va'a ja ndaa ma chi ni‑kani ni‑jika jin koteku i ji'in sa'ya tata i ma.

Proverbios 14:8

Ñayii ndichi ma chi maa tnu'u ndichi ma sa'a ja ni'i ini i naxe ko sa'a ko kuu i ma, kovaa ñayii so'o xeen kaa ma chi jani ini i ja va'a‑ni sa'a i, kovaa xnda'vi i maa i.

Mateo 12:50

chi vaa ndeva'a‑ni ñayii ja sa'a i sukan játna ini Yuva sa iya iyo andivi ma, ñayii yukan kúu ñani sa ma, ji'in ku'va sa ma, ji'in si'i sa ma ―‍kúu ya jiña'a ya.

Mateo 16:18

Te saña tna, ká'an sa ja ndijin kúu Pedro ma, te sukan kúu in toto ko kuu ni, te siki toto ma jin ndatna'a ñayii jin nduu sa'ya Su'si ma, te visi na jin kûu i ma, te masu nawa kundee ja sa'a ja jin koo ñayii ya'a nuu ka iyo ñayii ni ka ji'i te ni ka skenaa i maa i ma, su'va ñayii ya'a, jin ndateku i te jin koo i ji'in Su'si ma ni‑kani ni‑jika.

Mateo 24:45

’Chukan kúu ja jin ndasa'a ni kuenda te jin ko kuu ni sukan kúu tee ñukuun ñukuun jinukuechi va'a nuu jito'o de ma. Chukan kúu ja ni sacargu ña'a jito'o de ma ja na katanuu de kuá'a de ja jin kaa ndaka ñayii ve'e jito'o de ma maa ora jiniñu'u ja jin kaa i ma.

Mateo 25:2

U'un suchi jaa ma chi ka ñu'u vii ka ñu'u va'a ini i ja ka sa'a i ma, te u'un‑ka i ma chi ka ku‑uun ka kusu'va‑ni ini i.

Mateo 25:4

Kovaa suchi ka ñu'u vii ka ñu'u va'a ini ja ka sa'a i ma chi ni ka ke'en i kandili i ma ji'in aceite ku'un nuu kandili i ma.

Mateo 25:9

Kovaa sa'a ni ka ndakone'e suchi ka ñu'u vii ka ñu'u va'a ini ja ka sa'a i ma: “Va'a‑ka kuán koo maa ro, te jin kuaan ro aceite ja jin ku'un nuu kandili ro a, sukan‑va'a ma ndi'i aceite nuu ndaka o”, ka kuu i ka jiña'a i.

Mateo 7:25

Visi ni kuun savi ma te ni kee ndeñu'u yute ma, te ni yi'i xeen tachi ma, te ni jan kani ndee ni'i ndute ma yika ve'e ma, kovaa masu ni kotuu ve'e ma, vaa siki toto ma yoxtnee i.

Mateo 7:26

Kovaa nú na in koniniso'o tnu'u ya'a te ma sa'a i sukan ká'an sa a, te ndaka'an sa ja in ñayii masu jani va'a ini kúu i, sukan kúu in tee ni sa'a ve'e de ma siki nuu ñuti ma, sukan kúu i.

Lucas 11:28

Te ni ndakone'e ya: ―‍¡Ja vava'a‑ka ka kuu ñayii ka niniso'o ja ká'an Su'si ma te ka kandija i ma! ―‍kúu ya jiña'a ya.

Juan 13:17

Nú ka jaku'ni ini ni ja ká'an sa a, te nú jin sa'a ni sukan, te vava'a‑ni jin ko kuu ni.

Juan 14:15

’Nú ndijin, ka kutoo ña'a ni, jin kandija ni ja tátnuni sa a.

Juan 15:10

Nuna jin kandija ni tnu'u ká'an sa a chi sa'a i ja jin kutoo tna'a jin kutoo tna'a ni sukan kútoo ña'a sa a, sukan kándija sa ja tátnuni Yuva sa ma, te kútoo ña'a sa sukan kútoo ña'a ya maa sa ma.

Juan 15:14

Vaa ndijin ka kuu ñayii kétna'a ini ji'in sa, nuna jin sa'a ni sukan tátnuni sa a.

Romanos 2:13

Vaa masu ñayii yika‑ni ja niniso'o‑ni i tnu'u ni kaxtnu'u Su'si ma nuu Moisés ma ka kuu ñayii ka sa'a ja va'a ja ndaa nuu Su'si ma. Chi ña'a. Su'va ká'an Su'si ma ja ñayii ka sa'a ka kuu sukan ndee tnu'u ni tatnuni Su'si ma nuu Moisés ma ka kuu ñayii ka sa'a ja va'a ja ndaa nuu Su'si ma.

1 Juan 2:3

Nú ka kandija o ja ni tatnuni Jesucristo ma, te onde sukan saa jin kona'a o ja ka jini o ya.