Mateo 6:6 - New Testament Psalms and Proverbs in Mixtec Magdalena Peñasco

⁶ Kovaa ndijin, ora jikan‑ta'vi ni ma, ndivi ni ini ve'e ni ma, te kasi ni ye'e ni ma sukan‑va'a ñatuu na in kuni ña'a, te kakan‑ta'vi ni nuu Yuva ni Su'si ma. Vaa Yuva ni iya nde'ya ja va'a sa'a ni ma visi ñatuu na ñayii nde'ya ña'a ma, chi maa ya sa'a ja jin kuni ndaka ñayii ma ja vii ja va'a ndataa ya ma.

Mateo 6:6 ပူးပေါင်းရင်းမြစ်များ

Salmos 34:15

Vaa Su'si Iya Tátnuni ma chi nde'ya nde'ya‑ni ya nuu ka iyo ñayii ka sa'a ja va'a ja ndaa ma, te niniso'o ñukuun ya ja ka jikan‑ta'vi ka jikan‑ta'vi i nuu ya ma.

Proverbios 25:22

te ja sa'a ni sukan ma chi sa'a ni ja ndakukan‑nuu xeen maa i, te maa Su'si ma ndachindee ña'a ndaka ja sa'a ni ma.

Mateo 14:23

Te nuu ni jinu ni ndakuan‑ta'vi ya nuu ñayii ma, te kua'an maa in‑ni ya ichi yuku ma, ja ndatnu'u ya ji'in Yuva ya Su'si ma. Te nuu ni kunee ma, te ni kendoo maa in‑ni ya ichi yuku ma.

Mateo 6:18

sukan‑va'a ñatuu na in kuni ja iyo ndite ni nuu Su'si ma, te maa Yuva ni Su'si ma, iya nde'ya nawa sa'a ni ma visi ñatuu na ñayii nde'ya nawa ni sa'a ni ma chi maa ya sa'a ja jin kuni ndaka ñayii ma ja vii ja va'a skuta'vi ña'a ya ma.

Mateo 6:4

sukan‑va'a ñatuu na in kuni ja ni chindee ni ñayii nda'vi ma, te Yuva o iya iyo onde andivi ma ja nde'ya ya ja va'a ni sa'a ni ma visi ñatuu na ñayii nde'ya ña'a ma, chi maa ya sa'a ja jin kuni ndaka ñayii ma ja vii ja va'a ndataa ya nuu ni ma.

Juan 1:48

Natanael ma, ni jikan‑tnu'u de: ―‍¿Naxe jini ña'a ni? ―‍kúu de jiña'a de. Jesús ma, ni ndakone'e ya: ―‍Jâ ni jini ña'a sa xi'na‑ka sana ni kana ña'a Felipe a, nuu iyo ni kati tnu higo ma ―‍kúu ya jiña'a ya.

Juan 20:17

Jesús ma, jiña'a ya: ―‍Máko tnii ña'a ni, vaa ñatuu ndaa‑ka sa nuu iyo Yuva sa ma. Kovaa kuá'an ni, te kuña'a ni ñani sa tee ka ndikin ña'a ma, ja ndaa sa nuu iya kúu Yuva sa ma, iya kúu Yuva ndaka ni ma, iya kúu Su'si sa ma, iya kúu Su'si ndaka tna ni ma ―‍kúu ya jiña'a ya.

Hechos 10:30

Te Cornelio ma, ni ndakone'e de: ―‍Vitna kúu kuun kii ja maa ora ya'a visi ka uni‑ka jañini ma yikuu sa jikan‑ta'vi sa ini ve'e a. Sani te ni jini sa ja ni kenda in tee ne'nu sa'ma jandute nuu sa ma,

Hechos 10:9

Kivi yutnee ma nani kuan koo de ichi ma te ve jin kuyatni de ñuu ma, Pedro ma ni jan kaa de onde xini ve'e iyo de ma, sukan‑va'a kakan‑ta'vi de nuu Su'si ma. Ja ve kuu sava nduu ma,

Hechos 9:40

Pedro ma, ni jiña'a de ñayii ma ja jin ke koo i ke'e ma. Sani te ni jinkoo jiti de, te ni jikan‑ta'vi de nuu Su'si ma. Sani te ni ndonenuu de nde'ya de ña, te jiña'a de: ―‍Tabita, ndakoo ni ―‍kúu de jiña'a de. Te ni ndakune ña nuu ña ma. Ja ni jini ña Pedro ma, te ni ndakoo ña.

Romanos 8:5

Vaa ñayii ka kandija ja ká'an yikikuñu i ma chi ka jani ini i tna'a ja játna ini yikikuñu i ma ja sa'a i ma. Kovaa ñayii ka iyo ji'in Xtumani Ndios ma chi ja játna ini Xtumani Ndios ma ka jani ini i.

Efesios 3:14

Te chukan kúu ja jínkoo jiti sa, te jikan‑ta'vi sa nuu Su'si o Yuva Jesucristo iya tátnuni nuu o a,