Mateo 5:6 - New Testament Psalms and Proverbs in Mixtec Magdalena Peñasco

⁶ ’Vava'a jin kendoo ñayii ni‑yu'u ni‑ini i ka ndanduku i ja va'a ja ndaa tátnuni Su'si ma ja jin ko sa'a i ma, vaa jin ni'i ndija i ja ka jiniñu'u anua i ma.

Mateo 5:6 ပူးပေါင်းရင်းမြစ်များ

Salmos 107:9

Vaa maa ya wa'a ndaka tu'u ja ka jiniñu'u ñayii ma, te wa'a ya ndaka nawa jin kaa i ma, te ñatuu nde ka kokon ka yichi i.

Salmos 145:19

Te ndaka ñayii ka kandija ja ká'an ya ma chi ndákone'e ya ja ka jikan‑ta'vi i ma, te sa'a ya ja jin kaku i nuu ja u'vi ma, vaa ka ndi ini i ja masu jin sa'a i ja u'vi ma, vaa ka na'a i ja iya ndákan kuenda kúu ya.

Salmos 17:15

Kovaa saña chi koo sii ini xen‑xeen sa kivi ndoto sa ma, ja onde nuu iyo ni a iyo sa ma, te nuu nuu o jin konde'ya tna'a o, vaa ni kundee sa nuu ndaka ja u'vi ma.

Salmos 63:5

Sani te ini anua sa ya chi ndusii ini xen‑xeen i, te ûni kayu'u sa kata sa, te ndachiñu'u ña'a sa.

Salmos 65:4

¡Naka vii naka va'a kúu ñayii ni kaji maa ni te ki'in ni ji'in i ja koo ni ji'in i ve'e nuu iyo ni ma! Sa'a ni ja jin ni'i sa ndaka ja vii ja va'a iyo veñu'u ii ni ma.

Salmos 84:2

Te ûni ni‑yu'u ni‑ini sa ñu'u ini sa ja koo sa ini ve'e nuu iyo ni a, te onde ini anua sa ya ji'in yikikuñu sa ya jita sa te ndáchiñu'u ña'a sa, vi Su'si iya téku.

Proverbios 10:24

Tna'a ja yu'u ñayii sa'a ja u'vi ma ja ndo'o i ma, su'va chukan kenda yachi‑ka nuu i ma, kovaa ñayii sa'a ja va'a ja ndaa ma chi ja ñu'u ini i ja ni'i i ma chi kua'a Su'si ma.

Proverbios 21:21

Kovaa ñayii ndúku ja koo va'a koo ndaa i nuu Su'si ma te iyo tnu'u nda'vi ini i ma, chi skuta'vi ña'a Su'si ma ja vii ja va'a ma, te koo jayiñu'u i, te koteku kani i.

Lucas 1:53

Ñayii ni ka yo kokon, ni ka yo yichi i ma, ni ka ndani'i, ni ka ndatna'a i ja jin ko kaa jin ko ko'o i ma, te xiku ma, ni ndasanda'vi ya i.

Lucas 6:21

’Ja vava'a ka kuu ndijin ja vitna ka kokon ka yichi ni a, vaa jin ndani'i jin ndatna'a ni. ’Ja vava'a ka kuu ndijin ja vitna ka nda'yu ni a chi jin ndusii ini ni.

Lucas 6:25

’Nda'vi maa ndijin ja vitna ka ni'i ka tna'a ni a, vaa jin ndakokon jin ndayichi ni. ’Nda'vi maa ndijin ja vitna ka kusii ini ni, kovaa jin ndanda'yu ni ja jin kuxii ini ni.

Juan 4:14

kovaa ñayii jin ko'o ndute kua'a sa ma, masu jin ko yichi‑ka i, vaa onde ini anua ñayii jin kuan‑ta'vi ndute kua'a sa ma ko kuu sukan kúu nuu tóo ndute ja masu nde ndi'i de ma, te jin koteku i ni‑kani ni‑jika ―‍kúu ya jiña'a ya.

Juan 6:27

Má jin satniñu ni siki ja ndeyu ndí'i ma, su'va jin satniñu ni siki ja ndeyu masu ndi'i ma, tna'a ja sa'a ja jin koteku ni ni‑kani ni‑jika ma, tna'a ja taa iya ni kenda ñayivi ñuu ñayivi a, iya ni kaxtnu'u Yuva o Su'si ma ja jin kandija ni ya ma ―‍kúu ya jiña'a ya.

Juan 7:37

Kivi ve jinu viko ma, kivi ka'nu xeen‑ka ma kúu, te Jesús ma, ni ndokuiñi ya, te ni ka'an nini'i ya: ―‍Nú na in yíchi, na kii i nuu sa a, te kó'o i ndute kua'a sa a.

Apocalipsis 7:16

Te ni masu jin ko kokon jin ko yichi‑ka i, te ma kani‑ka ña'a kandii ma, ni ma jin ku‑i'ni‑ka i.